«Ինտերը» պարտվեց «Նապոլիին» Սերիա Ա-ի 8-րդ տուրում
- Հեղինակ: Vahe Hakobyan
- Sportaran
Միլանի «Ինտերը» Սերիա Ա-ի 8-րդ տուրի խաղում հյուրընկալվել էր Իտալիայի գործող չեմպիոն «Նապոլիին»։ Խաղից առաջ թիմերը Լիգա չեմպիոնների տարբեր տրամադրությամբ հանդիպումներ էին անցկացրել․ «Ինտերը» 4:0 հաշվով ջախջախել էր բելգիական «Սեն Ժիլուազին», մինչդեռ «Նապոլին» անսպասելիորեն 2:6 հաշվով պարտվել էր ՊՍՎ-ին։
Չեմպիոնատում նեապոլացիները կարողացան վերականգնել իրենց հեղինակությունը։ Առաջին խաղակեսում մրցավարը նշանակեց 11 մետրանոց հարված․ 33-րդ րոպեին Քևին Դե Բրյոյնը խփեց գոլ՝ օգտվելով Մխիթարյանի ֆոլից Դի Լորենցոյի վրա։ Դեպքը վիճելի էր, իսկ հայ կիսապաշտպանը վնասվածք ստացավ և փոխարինվեց։
54-րդ րոպեին Սկոտ ՄակՏոմինայը կրկնապատկեց հաշիվը, բայց չորս րոպե անց Հաքան Չալհանօղլուն 11 մետրանոցից նվազեցրեց տարբերությունը։ «Ինտերը» փորձում էր հաշիվը հավասարեցնել, սակայն վերջում Զամբո Անգիսան խփեց երրորդ գնդակը՝ ձևավորելով 3:1 վերջնական հաշիվը։
Այս հաղթանակից հետո «Նապոլին» գլխավորեց մրցաշարային աղյուսակը՝ 18 միավորով։ Երկրորդ տեղում է «Միլանը» (17), իսկ «Ինտերը» չորրորդն է (15)։
Քննարկեք նորությունները!
Անցնել մեկնաբանություններին ↓
Comments
0