«Ինտերը» բաց թողեց «Նապոլիին» շրջանցելու հնարավորությունը — ոչ ոք «Լացիոյի» հետ

Միլանի «Ինտերը» չկարողացավ օգտվել «Նապոլիի» ձախողումից, որը ավելի վաղ ոչ ոքի էր խաղացել «Պարմայի» հետ (0:0), և ինքն էլ կորցրեց միավորներ՝ «Լացիոյի» հետ խաղում գրանցելով 2:2 հաշիվ:

Սիմոնե Ինձագիի թիմը երկու անգամ առաջ անցավ՝ հաշիվը բացեց Յան Բիսեքը, իսկ հետո գոլ խփեց Դենզել Դյումֆրիսը։ Սակայն երկու անգամ էլ հռոմեացիները վերականգնեցին հավասարությունը՝ շնորհիվ 37-ամյա Պեդրոյի դուբլի։ Պեդրոն դարձավ խաղի իսկական հերոս՝ դուրս գալով փոխարինման։

Այժմ, Սերիա Ա-ի վերջին տուրից առաջ, «Նապոլին» շարունակում է առաջատար մնալ՝ մեկ միավորով առաջ «Ինտերից»։ Վերջին տուրում նեապոլիտանցիները կընդունեն «Կալյարիին», իսկ միլանցիները բարդ արտագնա խաղ կունենան «Կոմոյի» դեմ՝ Սեսկ Ֆաբրեգասի ղեկավարած թիմի, որը հայտնի է իր ամուր բնավորությամբ։

Նշենք նաև, որ Հենրիխ Մխիթարյանը վերադարձավ վնասվածքից հետո․ հայ կիսապաշտպանը խաղաց գրեթե ամբողջ հանդիպումը և փոխարինվեց 91-րդ րոպեին։