«Ինտերը» ջախջախեց «Կոմոյին», իսկ Մխիթարյանը մասնակցեց հանդիպմանը
Photo by Mattia Pistoia - Inter/Inter via Getty Images
- Հեղինակ: Vahe Hakobyan
- Sportaran
Իտալական Ա Սերիայի 14-րդ տուրում «Ինտերը» վստահ հաղթանակ տարավ այս մրցաշրջանի ամենակայուն թիմերից մեկի՝ «Կոմոյի» նկատմամբ՝ հաղթելով 4:0 հաշվով։
Միլանցիների հայկական կիսապաշտպան Հենրիխ Մխիթարյանը վնասվածքից հետո առաջին անգամ հայտնվեց խաղադաշտում Իտալիայի առաջնության շրջանակներում։ Դրան նախորդել էր նրա գոլային փոխանցումը գավաթային խաղում՝ «Վենեցիայի» դեմ։
Մխիթարյանը կարող էր գոլային փոխանցում գրանցել նաև «Կոմոյի» հետ խաղում։ Հենց նրա փոխանցումից հետո Հական Չալհանօղլուն խփեց «Ինտերի» երրորդ գնդակը, սակայն գնդակը ճանապարհին դիպավ պաշտպանին, ինչի պատճառով փոխանցումը Мխիթարյանին չհաշվվեց։ Մխիթարյանը խաղադաշտ դուրս եկավ 71-րդ րոպեին։
Բացի Չալհանօղլույից, գոլերի հեղինակ դարձան Լաուտարո Մարտինեսը, Մարկուս Տյուրամը և Կառլոս Ալբերտոն։ Հաղթանակը թույլ տվեց «Ինտերին» բարձրանալ մրցաշարային աղյուսակի առաջին տեղը, սակայն «Միլանը» և «Նապոլին» դեռ չեն անցկացրել իրենց տուրի հանդիպումները և հաղթանակի դեպքում կարող են շրջանցել միլանցիներին։
Քննարկեք նորությունները!
Անցնել մեկնաբանություններին ↓
Comments
0