«Ինտերը» պարտվեց «Ուդինեզեին», Մխիթարյանը ստացավ միջին գնահատականներ

«Ինտերը» չկարողացավ հաղթել «Ուդինեզեին» Սերիա Ա-ի երկրորդ տուրում՝ Սան Սիրոյում պարտվելով 1:2 հաշվով։

Հյուրերը առաջ անցան Արթուր Աթթայի և Կեյնան Դևիսի գոլերի շնորհիվ, վերջինս խփեց 11 մետրանոցից։ Միլանցիների միակ գոլը խփեց Դենզել Դյումֆրիսը։

62-րդ րոպեին Հենրիխ Մխիթարյանը փոխարինեց Պետար Սուչիչին։ Հայ կիսապաշտպանը խաղադաշտում անցկացրեց ավելի քան կես ժամ և ցուցադրեց հետևյալ արդյունքները․

• ճշգրիտ փոխանցումներ — 23 (96%)
• առանցքային փոխանցումներ — 2
• երկար փոխանցումներ — 2/2
• գնդակի կորուստներ — 6
• SofaScore գնահատական — 7.0

Իտալական մամուլի գնահատականները

• Eurosport (6)․ «Փորձում էր կարգուկանոն հաստատել կիսապաշտպանությունում, որը հիմնականում խառնված էր»։

• 90min (5.5)․ «Լավ գործողությունները՝ հատկապես ուղղահայաց փոխանցումը Էսպոզիտոյին, զուգորդեց որոշ անճշտություններով»։

• Passioneinter (5.5)․ «Խաղի վրա քիչ ազդեցություն ունեցավ»։

• Nerazzurrisiamonoi (5.5)․ «Նրա մուտքը խաղի ընթացքը չփոխեց»։