«Ինտերը» գրեթե չի փոխվել․ 2023-ի եզրափակչի մեկնարկային կազմից 7 ֆուտբոլիստ կրկին կսկսեն խաղը
Photo: UEFA
- Հեղինակ: Vahe Hakobyan
- Sportaran
Վաղվա Չեմպիոնների լիգայի եզրափակիչը միլանյան «Ինտերի» և փարիզյան ՊՍԺ-ի միջև յուրօրինակ կրկնությունն է երկու տարի առաջվա հանդիպման․ «ներաձուրիների» կազմը գրեթե չի փոխվել 2023-ի եզրափակչից, երբ նրանք խաղում էին «Մանչեսթեր Սիթիի» դեմ։
Այդ խաղում, որը տեղի էր ունենում Ստամբուլում, մեկնարկային կազմում էր Մարսելո Բրոզովիչը, իսկ Հենրիխ Մխիթարյանը խաղադաշտ դուրս եկավ միայն վերջում՝ վնասվածքի պատճառով։ Մյունխենում իրավիճակը այլ է լինելու․ հայ կիսապաշտպանը կսկսի խաղը առաջին րոպեներից՝ փոխարինելով խորվաթին, որը արդեն լքել է ակումբը։
Մյուս փոփոխություններից են՝ հարձակման գծում Մարկուս Տյուրամը կփոխարինի Էդին Ջեկոյին, դարպասում Յան Զոմմերը կփոխարինի Անդրե Օնանային, իսկ պաշտպանությունում, ամենայն հավանականությամբ, Յան Բիսսեքը կխաղա Մատեո Դարմյանի փոխարեն։ Թեև վերջինս դեռ թիմում է և կարող է իր շանսը ստանալ։
Այսպիսով, 2023-ի եզրափակչի մեկնարկային կազմից 7 խաղացող կրկին կսկսեն հանդիպումը մեկնարկային րոպեներից․ Լաուտարո Մարտինես, Նիկոլո Բարելա, Հական Չալհանօղլու, Ֆեդերիկո Դիմարկո, Դենզել Դյումֆրիս, Ալեսանդրո Բաստոնի և Ֆրանչեսկո Աչերբի։
2024/25 մրցաշրջանի Չեմպիոնների լիգայի եզրափակիչը կկայանա մայիսի 31-ին Մյունխենի «Ալյանց Արենայում»։
Քննարկեք նորությունները!
Անցնել մեկնաբանություններին ↓
Comments
0