«Ինտերը» հաղթեց «Սասուոլոյին» Սերիա A-ի 4-րդ տուրում
- Հեղինակ: Vahe Hakobyan
- Sportaran
Միլանի «Ինտերը» այս մրցաշրջանի Սերիա A-ի իր առաջին տնային հաղթանակը տարավ՝ 2:1 հաշվով պարտության մատնելով «Սասուոլոյին»։
14-րդ րոպեին հաշիվը բացեց Ֆեդերիկո Դի Մարկոն՝ գոլային փոխանցում ստանալով թիմի նորեկ Պետար Սուչիչից։ Երկրորդ խաղակեսում, 81-րդ րոպեին, տանտերերի առավելությունը կրկնապատկեց Կառլոս Աուգուստոն։ Սակայն երեք րոպե անց հյուրերը կարողացան կրճատել հաշվի տարբերությունը․ Վալիդ Չեդիրան գրավեց «նարաձուրիի» դարպասը՝ 2:1։
Հայ կիսապաշտպան Հենրիխ Մխիթարյանը հանգիստ ստացավ Չեմպիոնների լիգայի հանդիպումից հետո և մնաց պահեստայինների նստարանին։ Նրա տեղը մեկնարկային կազմում զբաղեցրեց Սուչիչը, որը նշանավորվեց արդյունավետ գործողությամբ։
Այս հաղթանակից հետո «Ինտերը» վաստակեց 6 միավոր և բարձրացավ աղյուսակի 10-րդ հորիզոնական։ Առայժմ առաջնորդում են «Յուվենտուսը», «Միլանը» և «Նապոլին»։
Քննարկեք նորությունները!
Անցնել մեկնաբանություններին ↓
Comments
0