«Ինտերը» հաղթեց «Ջենոային» և վերադարձավ Սերիա Ա-ի առաջին հորիզոնական
Photo by Marco Mantovani/Getty Images
Ֆուտբոլ
💬
Comment
- Հեղինակ: Vahe Hakobyan
- Sportaran
Միլանի «Ինտերը» Իտալիայի առաջնության 15-րդ տուրի շրջանակում հաղթանակ տարավ «Ջենոայի» նկատմամբ։ Հանդիպումն ավարտվեց «նեռաձուրիների» 2:1 հաշվով հաղթանակով։
Տանտերերի կազմում աչքի ընկան Յան Բիսեկը և Լաուտարո Մարտինեսը, իսկ գենուացիների միակ գոլը հեղինակեց Վիտինյան։ Հայաստանի ազգային հավաքականի կիսապաշտպան Հենրիխ Մխիթարյանը խաղադաշտ դուրս եկավ 74-րդ րոպեին և SofaScore վերլուծական հարթակից ստացավ 6.8 գնահատական։
Այս տուրում «Միլանի» և «Նապոլիի» սայթաքումները հնարավորություն տվեցին Քրիստիան Կիվուի թիմին կրկին գլխավորել Սերիա Ա-ի մրցաշարային աղյուսակը։
«Ինտերի» հաջորդ հանդիպումը կկայանա Սաուդյան Արաբիայում․ դեկտեմբերի 19-ին միլանցիները Իտալիայի Սուպերգավաթի կիսաեզրափակչում կմրցեն «Բոլոնիայի» հետ։
Քննարկեք նորությունները!
Անցնել մեկնաբանություններին ↓
Comments
0