«Ինտերը» հաղթեց «Բոլոնիային» և գլխավորեց Ա Սերիան

Միլանի «Ինտերը» հաղթանակ տարավ «Բոլոնիայի» նկատմամբ Իտալիայի առաջնության 18-րդ տուրի խաղում։ Հանդիպումն ավարտվեց 3:1 հաշվով՝ ներաձուրրիների օգտին, և այդ հաջողության շնորհիվ նրանք վերադարձան Ա Սերիայի մրցաշարային աղյուսակի առաջին հորիզոնական։

Ավելի վաղ «Միլանը» հաղթել էր «Կալյարիին» և 38 միավորով դուրս եկել առաջատար, սակայն «Ինտերի» հաղթանակից հետո Քրիստիան Կիվուի թիմը ունի մեկ միավորով ավելի, քան իր սկզբունքային մրցակիցը։

«Ինտերի» կազմում գոլերի հեղինակ դարձան Պյոտր Զելինսկին, Լաուտարո Մարտինեսը և Մարկուս Թյուրամը։ Միլանցիների ավագ Մարտինեսը ոչ միայն գոլ խփեց, այլև կատարեց գոլային փոխանցում, ինչի շնորհիվ ճանաչվեց հանդիպման լավագույն խաղացող։ «Բոլոնիայի» միակ գոլը խաղավերջում խփեց Սանտյագո Կաստրոն։

Հայ կիսապաշտպան Հենրիխ Մխիթարյանը խաղադաշտ դուրս եկավ 68-րդ րոպեին՝ փոխարինելով Նիկոլո Բարելլային։ Նրան հատկացված ժամանակում Մխիթարյանը մեկ անգամ հարվածեց մրցակցի դարպասին։

«Ինտերի» խաղացողների գնահատականները իտալական ԶԼՄ-ների կողմից

Յան Զոմմեր — 6
Իրականում հազվադեպ էր միանում խաղին, ուշադիր էր Ռոուի միակ հարվածի ժամանակ։

Մանուել Ականջի — 6,5
Հուսալի պաշտպանությունում և որոշ դրվագներում՝ էլեգանտ պաշտպանությունից դուրս գալու պահին։

Յան Բիսեկ — 6
Կիվուի որոշմամբ խաղաց կենտրոնական պաշտպանությունում, վստահ պահեց գիծը և մաքուր աշխատեց խլումներում։

Ալեսանդրո Բաստոնի — 6
Մի քանի ագրեսիվ առաջխաղացումներ, ոչ պարտադիր դեղին քարտ։ Ռավալիան թույլ չտվեց գոլ խփել։
(76-րդ րոպեից՝ Կառլոս Աուգուստո, առանց գնահատականի)

Լուիս Էնրիկե — 6
Լավ կատարեց տակտիկական առաջադրանքը, կայուն խաղ առանց վառ դրվագների։

Նիկոլո Բարելլա — 6
Վտանգավոր չէր մրցակցի դարպասի մոտ, թեև պահեր ուներ։ Լավագույն տարբերակը չէր, բայց ընդունելի խաղ «Ինտերի» շարժիչից։
(67-րդ րոպեից՝ Հենրիխ Մխիթարյան, 6)

Հական Չալհանօղլու — 6,5
Նյարդայնանում էր և դեղին քարտ ստացավ մրցավարի հետ վիճելու համար։ Խաղային որակով հարցեր չկան. հենց նա կատարեց անկյունայինը, որից հետո Լաուտարոն խփեց երկրորդ գոլը։
(67-րդ րոպեից՝ Սուչիչ, 6)

Պյոտր Զելինսկի — 7
Գերազանց գոլ և բարձր տեխնիկա գծերի միջև։ Այս մակարդակում լեհը հաճելի անակնկալ էր «Ինտերի» համար։

Ֆեդերիկո Դիմարկո — 6,5
Մշտապես վտանգ էր ստեղծում ձախ եզրում։

Լաուտարո Մարտինես — 7
Ակտիվորեն ղեկավարում էր հարձակումը, ստեղծում պահեր, մասնակցեց Զելինսկու գոլին և հետո ինքը կրկնապատկեց առավելությունը։ Էլ ինչ ավելացնել։
(76-րդ րոպեից՝ Էսպոզիտո, առանց գնահատականի)

Մարկուս Թյուրամ — 7
Չիրացրեց 100-տոկոսանոց պահը, բայց խաղում էր իր սովորական ագրեսիայով։ Վերջում գոլ խփեց՝ թեկուզ փոքր բախտի օգնությամբ. արժանի պարգև ջանքերի համար։
(83-րդ րոպեից՝ Լավելլի, առանց գնահատականի)