Իլիա Թոփուրիան և Չարլզ Օլիվեյրան կպայքարեն UFC-ի թափուր թեթև քաշային գոտու համար։

UFC թեթև քաշային կարգում բարձրակարգ գոտու մենամարտը պաշտոնապես հայտարարվել է․ հունիսի 28-ին Լաս Վեգասում կայանալիք UFC 317 մրցաշարի ժամանակ իրար դեմ դուրս կգան Իլիա Թոփուրիան (16–0) և Չարլզ Օլիվեյրան (35–10)։ Այդ մասին ուղիղ եթերում հայտնեց UFC-ի նախագահ Դանա Ուայթը։

Դիվիզիոնի գոտին թափուր դարձավ այն բանից հետո, երբ գործող չեմպիոն Իսլամ Մախաչևը որոշեց բարձրանալ մինչևքաշային կարգ։ Պատճառը եղավ նրա ընկեր և թիմակից Բելալ Մուհամմադի ձախողումը՝ ով պարտվեց Ավստրալիայի ներկայացուցիչ Ջեք Դելլա Մադալենային։ Այժմ հենց Մախաչևն է մարտահրավեր նետելու նոր մինչևքաշային չեմպիոնին։

Թեթև քաշային կարգում տիտղոսի համար կպայքարեն Իլիա Թոփուրիան՝ նախկինում անպարտելի և կամովին իր կեսթեթև գոտին լքած մարզիկը, ով տեղափոխվել է ավելի բարձր քաշային կարգ, և նախկին չեմպիոն Չարլզ Օլիվեյրան, որը ձգտում է վերադարձնել իր կորցրած կոչումը։

Թեթև քաշային կարգի դասակարգման առաջին համարը՝ Արման Ծառուկյանը, կմնա մենամարտի արդյունքի սպասման մեջ։ Հիշեցնենք, որ իր վերջին մենամարտում հայ մարզիկը տպավորիչ հաղթանակ տարավ Օլիվեյրայի նկատմամբ և այդպիսով բարձրացավ վարկանիշային աղյուսակի առաջին հորիզոնական։ Ամենայն հավանականությամբ, Ծառուկյանը կլինի տիտղոսի հաջորդ հավակնորդը և կհանդիպի Թոփուրիա – Օլիվեյրա մենամարտի հաղթողին։