«Կուզենայի նրա դեմքը կոտրել». Արման Ծառուկյանը՝ Դեն Հուքերի հետ մենամարտի մասին

UFC-ի հայ մարտիկն ու PARI բուքմեյքերական ընկերության դեսպանը՝ Արման Ծառուկյանը, մեծ հարցազրույց է տվել «Չեմպիոնատ»-ին՝ պատմելով իր գրեփլինգի հաջողությունների, Պուտինի հետ հանդիպման և UFC-ի մյուս մարտիկների հետ ընկերության մասին, ինչպես նաև պատասխանել է հետաքրքիր հարցերի։

Արման Ծառուկյանի հաջորդ մրցակիցը UFC-ում լինելու է Նոր Զելանդիայից Դեն «Կատարիչ» Հուքերը, ով զբաղեցնում է թեթև քաշային կարգի վարկանիշի 7-րդ հորիզոնականը։ Նրանց մենամարտը նախատեսված է նոյեմբերի 22-ին և գլխավորելու է Fight Night շոուն Դոհայում։ Արմանը խոստովանել է, որ զգում է հակակրանք մրցակցի հանդեպ, բայց ցանկանում է ամեն ինչ պարզել վանդակի ներսում։ Նա վստահ է, որ Հուքերը բավարար հմտություններ չունի իր «թրեշ-թոք»-ի համար պատասխան տալու։

«Ինձ Հուքերը որպես մարդ չի դուր գալիս։ Կարծում եմ՝ նա կեղծավոր է, ուզում եմ ուղղակի նրա դեմքը ջարդել։ Ես փորձելու եմ այդ ամբողջ էներգիան թափել մենամարտի ժամանակ՝ առանց նախախմբային միջադեպերի։ Նա այն մարտիկներից է, որոնք շատ են խոսում, բայց գործով՝ դատարկ են», — ասել է Ծառուկյանը։

Արմանը նաև քննադատել է Բենուա Սեն Դենիին՝ նշելով, որ ֆրանսիացին վախեցել է դուրս գալ վանդակ Չարլզ Օլիվեյրայի դեմ՝ թաքնվելով «հարգանքի» պատճառաբանության հետևում։

«Պարզապես ծիծաղելի է։ Ինչպե՞ս կարելի է նման հնարավորությունից հրաժարվել։ Նա պարզապես գիտի, որ ֆորմայում չէ և փնտրում է արդարացում։ Եթե UFC-ից զանգում են ու ասում՝ սա քո շանսն է, դու չես կարող հրաժարվել։ Նա գիտի, որ կարող է պարտվել։ Բենուան պարզապես այն մակարդակի մարտիկ չէ, որ հաղթի Օլիվեյրային», — ասել է Ծառուկյանը։

Ծառուկյանը նշել է նաև, որ վերջին շրջանում լավ հարաբերություններ ունի Համզաթ Չիմաևի՝ UFC-ի միջին քաշային չեմպիոնի հետ։ Համզաթը հավանաբար լինելու է Արմանի անկյունում նրա հաջորդ մենամարտում։

«Նա ասաց, որ իմ հաջորդ մենամարտում նույնպես կլինի իմ անկյունում, եթե ինքն այդ պահին մենամարտ չունենա։ Ընկերներն այդպես էլ պետք է լինեն՝ աջակցեն միմյանց։ Համզաթը շատ արժանի մարդ է․ նա միշտ օգնում է ընկերներին, սպարինգ գործընկերներին։ Ինտերնետում դա չի ցույց տալիս, բայց իրականում բոլորին աջակցում է՝ մեքենաներ, բնակարաններ նվիրելով», — ասել է Արմանը։