Խաչատուր Խաչատրյանը նվաճել է մինչև 23 տարեկանների ազատ ոճի ըմբշամարտի Եվրոպայի առաջնության բրոնզը
Հայ ըմբիշ Խաչատուր Խաչատրյանը (125 կգ) դարձել է 2026 թվականի մինչև 23 տարեկանների ազատ ոճի ըմբշամարտի Եվրոպայի առաջնության բրոնզե մեդալակիր։
Բրոնզե մեդալի համար գոտեմարտում Խաչատրյանը վստահ հաղթանակ է տարել Բելառուսի ներկայացուցիչ Ստեփան Մանդրիկի նկատմամբ։ Գոտեմարտը ավարտվել է ընդամենը 40 վայրկյանում․ հայ ծանրքաշայինը տարել է վաղաժամ հաղթանակ 10:0 հաշվով։
ՏԵՍԱՆՅՈՒԹ
Այսպիսով, Խաչատրյանը կրկնել է անցյալ տարվա արդյունքը՝ կրկին բարձրանալով մինչև 23 տարեկանների Եվրոպայի առաջնության պատվանդանի երրորդ աստիճանին։
Այս մեդալը դարձել է Հայաստանի հավաքականի չորրորդ մեդալը 2026 թվականի երիտասարդական Եվրոպայի առաջնությունում, որը անցկացվում է Սերբիայի Զրենյանին քաղաքում։ Ավելի վաղ հայ ըմբիշները նվաճել էին մեկ ոսկե և երկու բրոնզե մեդալ։ Մրցաշարի չեմպիոն է դարձել Լևիկ Միքայելյանը։
Քննարկեք նորությունները!
Անցնել մեկնաբանություններին ↓
Comments
0