Խաչանովը մեկ քայլ հեռու մնաց Ուիմբլդոնի կիսաեզրափակիչից

Կարեն Խաչանովը ավարտեց իր ելույթը Ուիմբլդոն-2025-ում՝ քառորդ եզրափակչում պարտություն կրելով մրցաշարի ֆավորիտներից մեկին՝ ամերիկացի Թեյլոր Ֆրիցին, ով վարկանշային հնգերորդ ռակետն է։ Մրցակցությունն անցավ լարված մթնոլորտում և տևեց չորս սեթ՝ 3:6, 4:6, 6:1, 6:7 (4:7):

Չնայած երրորդ սեթում Խաչանովը ցուցադրեց իր հզոր թենիսն ու կրճատեց հետընթացը, վերջնական հաղթանակը տոնեց ԱՄՆ ներկայացուցիչը։ Ֆրիցը վրեժ լուծեց ռուս թենիսիստից կրած նախորդ երկու պարտությունների համար՝ ցուցադրելով կայուն խաղ՝ 16 էյս և 82% հաղթանակ առաջին մատուցման դեպքում։

Մրցաշարի 20-րդ ռակետ Խաչանովը պայքարեց մինչեւ վերջ, բայց չորրորդ սեթի վճռորոշ միավորներում զիջեց։ Ընդհանուր վիճակագրությամբ նա պարտվեց ընդամենը մեկ գեյմով (19–20), սակայն վճռորոշ էր հենց թայ-բրեյքը։

Խաչանովի համար սա Ուիմբլդոնի քառորդ եզրափակիչ դուրս գալու երկրորդ դեպքն էր, սակայն լավագույն քառյակում հայտնվել չհաջողվեց։

Ֆրիցը կիսաեզրափակչում կմրցի Ալկարաս / Նորի զույգի հաղթողի հետ։