Գուրգեն Հովհաննիսյանը կկայացնի մենամարտ 160 կգ քաշային բռնցքամարտիկի դեմ

Անպարտելի հայ սուպերծանրքաշային բռնցքամարտիկ Գուրգեն Հովհաննիսյանը (7-0) ապրիլի 18-ին կմրցի Դաջուան Քելոուեյի (11-3) հետ՝ Օռլանդոյում կայանալիք բռնցքամարտի երեկոյի շրջանակում։

Այս մենամարտը լուրջ փորձություն կլինի 27-ամյա հայ մարզիկի համար, քանի որ նրա մրցակիցը շարունակում է չորս հաղթանակների շարք։

Հովհաննիսյանը կունենա առավելություն հասակով, սակայն զգալիորեն զիջում է Քելոուեյին քաշով։ 33-ամյա ամերիկացին կշռում է մոտ 160 կիլոգրամ, մինչդեռ հայ բռնցքամարտիկի քաշը մոտ 125 կգ է։

«Big Gugo»-ն վերջին շրջանում մեծ ակտիվություն է ցուցաբերում։ 2024 թվականին նա անցկացրել է երեք մենամարտ, իսկ հիմա առաջին անգամ ռինգ կելնի 2025 թվականին։ Իր վերջին մենամարտում՝ 2024 թվականի դեկտեմբերի 12-ին, նա հաղթեց սամոացի Պատրիկ Մայլատուին (6-3)՝ առավելության հասնելով մրցավարների մեծամասնության որոշմամբ։ Մինչ այդ, նա իր բոլոր հաղթանակները տարել էր նոկաուտով։