Գուդմունդուր Թորարինսոնը հեռացավ «Նոայից»
Photo by Domenic Aquilina/NurPhoto via Getty Images
- Հեղինակ: Vahe Hakobyan
- Sportaran
Իսլանդացի ֆուտբոլիստ Գուդմունդուր Թորարինսոնն այլևս «Նոայի» խաղացող չէ։ Կողմերը որոշում են կայացրել ավարտել համագործակցությունը։
33-ամյա պաշտպան/կիսապաշտպանը հայկական ակումբում հանդես է եկել մեկուկես մրցաշրջան։ Այդ ընթացքում Թորարինսոնը դարձել է Հայաստանի չեմպիոն և նվաճել երկրի գավաթը՝ համալրելով իր տպավորիչ տիտղոսների հավաքածուն։ Ավելի վաղ կարիերայի ընթացքում նա հաղթել է Նորվեգիայի առաջնությունը, MLS-ը, ինչպես նաև Նորվեգիայի գավաթը։
«Նոայի» կազմում Թորարինսոնը անցկացրել է 44 հանդիպում՝ խփելով 2 գոլ և կատարելով 7 գոլային փոխանցում։
Ավելի վաղ «Նոան» լքել էին նաև Հայաստանի ազգային հավաքականի խաղացողներ Արտակ Դաշյանը և Օգնյեն Չանչարևիչը, որոնցից երկուսն էլ 36 տարեկան են։ Այսպիսով, Հայաստանի չեմպիոնները շարունակում են կազմի երիտասարդացման քաղաքականությունը։
Հիշեցնենք, որ «Նոան» Կոնֆերենցիաների լիգայի 1/16 եզրափակչում կմրցի «Ցելեի» կամ «ԱԶ»-ի հետ։ Առաջին հանդիպումները կկայանան փետրվարի 19-ին կամ 20-ին, իսկ վիճակահանությունը կանցկացվի հունվարի 16-ին։
Քննարկեք նորությունները!
Անցնել մեկնաբանություններին ↓
Comments
0