Գրանտ-Լեոն Ռանոսը երկրորդ անգամ հանդես եկավ Բունդեսլիգայում այս մրցաշրջանում

«Բորուսիա Մյոնխենգլադբախը» 1:5 հաշվով պարտվեց «Վոլֆսբուրգին» Բունդեսլիգայի 17-րդ տուրի խաղում։

Գրանտ-Լեոն Ռանոսը երկրորդ անգամ այս մրցաշրջանում հանդես եկավ Բունդեսլիգայում՝ խաղադաշտ դուրս գալով 81-րդ րոպեին։ 21-ամյա ֆուտբոլիստը վերականգնվել է վնասվածքից հետո և ստացել երկար սպասված հնարավորությունը հանդես գալու հիմնական թիմում։

Տրված ժամանակահատվածում Հայաստանի հավաքականի հարձակվողը 7 անգամ դիպավ գնդակին և կատարեց 3 ճշգրիտ փոխանցում։