Գոռ Սահակյանը՝ ծանրամարտի Եվրոպայի մինչև 23 տարեկանների առաջնության բրոնզե մեդալակիր

Հայաստանի ծանրամարտիկ Գոռ Սահակյանը (մինչև 71 կգ քաշային կարգ) բրոնզե մեդալ է նվաճել Դուրրեսում (Ալբանիա) ընթացող մինչև 23 տարեկանների Եվրոպայի առաջնությունում։

Երկու անգամ մեծահասակների Եվրոպայի չեմպիոնը, ով վերջին առաջնությունում նվաճել էր արծաթե մեդալ, իր հավաքածուն համալրեց մեծ բրոնզե մեդալով, ինչպես նաև երկու փոքր բրոնզերով։

Ռվակի վարժությունում Սահակյանը ֆիքսեց 145 կգ արդյունք՝ երկու անգամ չհաջողելով բարձրացնել 150 կգ։ Հրում վարժությունում հայ մարզիկը ցույց տվեց կայուն արդյունք՝ 182 կգ, իսկ երրորդ փորձին փորձեց բարձրացնել 190 կգ՝ ավելի բարձր տեղ զբաղեցնելու համար, սակայն փորձը չհաջողվեց։

Վերջնական արդյունքներ (71 կգ, մինչև 23 տ.)․
Յուսուֆ Գենչ (Թուրքիա) — 340 կգ (150+190)
Եգոր Պոպով (Բելառուս) — 334 կգ (151+182)
Գոռ Սահակյան (Հայաստան) — 327 կգ (145+182)

Երեք մրցութային օրվա արդյունքում Հայաստանի հավաքականն ունի՝ 3 ոսկե, 1 արծաթե և 1 բրոնզե մեդալ ընդհանուր հաշվարկով (մեծ մեդալներով)։