Գոռ Մինասյանը հաղթեց Վրաստանում անցկացված «Կախիի գավաթ 2025» միջազգային մրցաշարում

Հուլիսի 13-ին Թբիլիսիում ավարտվեց ծանրամարտի միջազգային մրցաշարը՝ Kakhi Cup, որին մասնակցեցին Վրաստանի, Ադրբեջանի, Թուրքիայի, Հայաստանի, Բահրեյնի, Ռումինիայի և Ուզբեկստանի մարզիկները։

Չնայած նրան, որ մասնակիցները հանդես էին գալիս տարբեր քաշային կարգերում, հաղթողը որոշվում էր ոչ թե բարձրացրած ընդհանուր քաշով, այլ այսպես կոչված Սինքլերի գործակցով։ Դա համակարգ է, որը թույլ է տալիս համեմատել տարբեր մարմնի զանգված ունեցող մարզիկներին՝ որքան թեթեւ է մարզիկը և որքան բարձր է նրա արդյունքը, այնքան բարձր է Սինքլերի գործակիցը։

Մրցաշարին մասնակցեցին նաև Հայաստանի ներկայացուցիչներ Ռաֆիկ Հարությունյանը (81 կգ քաշային կարգ) և Արա Աղանյանը (102 կգ)։

Գոռ Մինասյանը (+110 կգ) բարձրացրեց ընդհանուր 440 կգ (200+240) և առաջ անցավ Ռևազ Դավիթաձեից, ով հանդես է գալիս մինչև 96 կգ քաշային կարգում։

Մրցաշարի լավագույն 12 արդյունքները Սինքլերի գործակցով.

1. Գոռ Մինասյան (Բահրեյն) — 446.298

2. Ռևազ Դավիթաձե (Վրաստան) — 443.489

3. Իսա Ռուստամով (Ադրբեջան) — 442.410

4. Լուիս Մունիել Լաուրետ Ռոդրիգես (Ռումինիա) — 436.379

5. Յուսուֆ Ֆեհմի Գենչ (Թուրքիա) — 436.129

6. Դադաշ Դադաշբեյլի (Ադրբեջան) — 432.059

7. Զուրաբ Մսխալաձե (Վրաստան) — 431.631

8. Ռաֆիկ Հարությունյան (Հայաստան) — 427.781

9. Սաբա Ասանիձե (Վրաստան) — 425.077

10. Արա Աղանյան (Հայաստան) — 424.729

11. Իրակլի Գոբեջիշվիլի (Վրաստան) — 424.218

12. Գոդերծի Բերդելիձե (Վրաստան) — 422.062