Նարեկ Գրիգորյանի գոլային փոխանցումը օգնեց «Ֆարուլին» ոչ-ոքի խաղալ «ՈւՏԱ Արադի» հետ (ՏԵՍԱՆՅՈՒԹ)

Ռումինիայի Սուպերլիգայի 20-րդ տուրի շրջանակում «Ֆարուլը» ոչ-ոքի խաղաց «ՈւՏԱ Արադի» հետ՝ 1:1։ Հանդիպման առանցքային հերոսներից մեկն էր Հայաստանի հավաքականի կիսապաշտպան Նարեկ Գրիգորյանը, ով աչքի ընկավ գոլային փոխանցմամբ։

Հանդիպման հաշիվը բացվեց 33-րդ րոպեին․ Գրիգորյանի ճշգրիտ և ժամանակին փոխանցումից հետո գնդակը մրցակցի դարպասն ուղարկեց Յոնուց Վինյա։ Տանտերերը երկար ժամանակ պահում էին նվազագույն առավելությունը, սակայն 77-րդ րոպեին «ՈւՏԱ Արադը» կարողացավ հավասարեցնել հաշիվը՝ իրացնելով 11-մետրանոց հարվածը։

Նարեկ Գրիգորյանը խաղադաշտում անցկացրեց ամբողջ հանդիպումը և «Ֆարուլի» հարձակման ամենաակտիվ ֆուտբոլիստներից մեկն էր։ Կիսապաշտպանը 6 անգամ հարվածեց մրցակցի դարպասին, կատարեց 3 կարևոր փոխանցում և վստահ էր մենամարտերում, ինչն արտացոլվեց նաև նրա անհատական գնահատականում։

Նարեկ Գրիգորյանի վիճակագրությունը հանդիպմանը.

• Խաղաժամանակ՝ 90+

• Հարվածներ՝ 6

• Գոլային փոխանցումներ՝ 1

• Կարևոր փոխանցումներ՝ 3

• Կենտրոնացումներ՝ 1 / 1

• Ճշգրիտ փոխանցումներ՝ 28 (76%)

• Հաջող դրիբլինգ՝ 1 / 4

• Գնդակի կորուստներ՝ 19

• Խլումներ՝ 5

• Մաքրումներ՝ 1

• Գնդակի վերադարձներ՝ 4

• Հաղթած մենամարտեր՝ 7 / 17

• Օդային մենամարտեր՝ 1 / 1

• Խախտումներ՝ 1

• Վաստակած խախտումներ՝ 1

• SofaScore գնահատական՝ 7.5

20 տուրից հետո «Ֆարուլը» զբաղեցնում է Ռումինիայի առաջնության մրցաշարային աղյուսակի 9-րդ հորիզոնականը։ Ընթացիկ մրցաշրջանում Նարեկ Գրիգորյանի ակտիվում արդեն կա 2 գոլ և 3 գոլային փոխանցում Սուպերլիգայի 17 հանդիպումներում։

ՏԵՍԱՆՅՈՒԹ․