Գոլերի շքերթ Թուրինում․ Չեմպիոնների լիգա 2025/26-ը մեկնարկեց սենսացիաներով

Չեմպիոնների լիգայի հիմնական փուլի առաջին խաղային օրը երկրպագուներին պարգևեց պայծառ էմոցիաներ, անսպասելի արդյունքներ և բազմաթիվ գոլեր։

Գլխավոր սենսացիան՝ «Ղարաբաղի» արտագնա հաղթանակը «Բենֆիկայի» նկատմամբ (3:2)։ Հյուրերը կարողացան շրջել խաղի ընթացքը և կազմակերպեցին տուրի ամենաաղմկոտ իրադարձություններից մեկը։

Բելգիական նորեկ «Յունիոն Սեն Ժիլուազը» փայլուն մեկնարկեց՝ Էյնդհովենում պարտության մատնելով ՊՍՎ-ին (3:1)։

Թուրինում հանդիսատեսները ականատես եղան իրական ֆուտբոլային ներկայացման․ «Յուվենտուսը» և «Բորուսիա Դորտմունդը» կազմակերպեցին հրաձգություն՝ մեկ խաղակեսում խփելով ութ գոլ։ Վերջում՝ դրամատիկ ոչ-ոքի 4:4, իսկ տուրինցիները երկու անգամ գոլ խփեցին ավելացված ժամանակում։ Դուշան Վլահովիչը դուբլ ձևակերպեց և գոլային փոխանցում կատարեց Լլոյդ Քելիի հավասարեցնող գոլին՝ 96-րդ րոպեին։

«Ռեալ Մադրիդը» դժվարին հաղթանակ տարավ «Մարսելի» նկատմամբ (2:1)՝ խաղալով տասը ֆուտբոլիստով Դանի Կարվախալի հեռացումից հետո։ Հաղթական գոլը խփեց Կիլիան Մբապեն՝ 81-րդ րոպեին իրացնելով պենալտին։

«Արսենալը» վստահ մեկնարկեց՝ Բիլբաոյում հաղթելով «Աթլետիկին» (2:0)։ «Տոտենհեմը» նվազագույն հաշվով հաղթեց «Վիլյառեալին» (1:0)։

Արդյունքներ – 2025 թվականի սեպտեմբերի 16

• ՊՍՎ — Յունիոն Սեն Ժիլուազ 1:3

• Աթլետիկ — Արսենալ 0:2

• Ռեալ Մադրիդ — Մարսել 2:1

• Բենֆիկա — Ղարաբաղ 2:3

• Յուվենտուս — Բորուսիա Դորտմունդ 4:4

• Տոտենհեմ — Վիլյառեալ 1:0