Սպերցյանի գոլն ու գոլային փոխանցումը «Կրասնոդարին» մոտեցրին չեմպիոնությանը (ՎԻԴԵՈ)

Ռուսաստանի Պրեմիեր լիգայի 27-րդ տուրում «Կրասնոդարը» 2:1 հաշվով հաղթեց Կազանի «Ռուբինին» և ևս մեկ քայլ կատարեց իր պատմության մեջ առաջին չեմպիոնությանն ուղղված։

Հանդիպման հերոս դարձավ Հայաստանի ազգային հավաքականի կիսապաշտպան և «Կրասնոդարի» ավագ Էդուարդ Սպերցյանը։ Նա հաշիվը բացեց 5-րդ րոպեին՝ հստակ իրացնելով 11 մետրանոցը, իսկ 40-րդ րոպեին գոլային փոխանցում կատարեց տուգանայինի ժամանակ, որը գրավեց Տորմենան։ Սպերցյանը SofaScore-ից ստացավ հանդիպման բարձրագույն գնահատականը՝ 8․7։

Էդուարդ Սպերցյանի վիճակագրությունը.

• Խաղաժամանակ՝ 90+ րոպե

• Գոլեր՝ 1

• Ասիստ՝ 1

• Ճշգրիտ փոխանցումներ՝ 21 (84%)

• Բացահայտ պահերի փոխանցում՝ 1

• Ստեղծած գոլային պահեր՝ 1

• Հարվածներ՝ 3

• Հաջող դրիբլինգ՝ 3/4

• Հաղթած մենամարտեր՝ 9/11

• Գնդակի կորուստներ՝ 12

• Խախտումներ՝ 2

• Իր վրա խախտումներ՝ 4

• Խլումներ՝ 1

• Ընդհատումներ՝ 2

• SofaScore գնահատական՝ 8․7

«Ռուբինի» կազմում ամբողջ հանդիպումը անցկացրեց նաև Հայաստանի հավաքականի կիսապաշտպան Ուգոչուկու Իվուն։ Նա մասնակցեց իր թիմի միակ գոլային գրոհին՝ 83-րդ րոպեին կատարելով նախավերջին փոխանցումը։ Նրա SofaScore գնահատականը՝ 7․1։

Ուգոչուկու Իվուի վիճակագրությունը.

• Խաղաժամանակ՝ 90+ րոպե

• Ճշգրիտ փոխանցումներ՝ 28 (76%)

• Հարվածներ՝ 1

• Դրիբլինգ՝ 2/3

• Հաղթած մենամարտեր՝ 5/8

• Օդային մենամարտեր՝ 2/2

• Գնդակի կորուստներ՝ 10

• Խախտումներ՝ 3

• Իր վրա խախտումներ՝ 1

• Խլումներ՝ 1

• Ընդհատումներ՝ 2

• SofaScore գնահատական՝ 7․1

Այս հաղթանակից հետո «Կրասնոդարը» շարունակում է գլխավորել մրցաշարային աղյուսակը՝ երեք տուր առաջ 4 միավորով առաջ լինելով «Զենիթից»՝ կորցրած միավորներով։

VIDEO of GOALS: