Գլեբ Մոսեսովը հանդես եկավ աշխարհի առաջնության սլալոմի եզրափակչում

Փետրվարի 16-ին Ավստրիայի Զալբախ քաղաքում տեղի ունեցավ 2025 թվականի լեռնադահուկային սպորտի աշխարհի առաջնության վերջին եզրափակիչը։ Հայ մարզիկ Գլեբ Մոսեսովը մրցեց սլալոմի մրցաձեւում։

Ավելի վաղ Մոսեսովը հաջողությամբ հաղթահարել էր որակավորումը՝ զբաղեցնելով 6-րդ տեղը։ Եզրափակչում 26-ամյա մարզիկը գրավեց 34-րդ տեղը՝ 2:04.07 արդյունքով։

Աշխարհի առաջնությունում Մոսեսովը հանդես եկավ երկու եզրափակիչում՝ հսկա սլալոմում և սլալոմում՝ երկու անգամ անցնելով որակավորումը։ Նա դարձավ առաջին հայ լեռնադահուկորդը, ով մասնակցել է աշխարհի առաջնության եզրափակիչ փուլերին։