Գեորգի Հարությունյանը շարունակում է սովորել նոր դիրքում խաղալ

Հայաստանի ազգային հավաքականի պաշտպան Գեորգի Հարությունյանը Հունգարիայի առաջնության երկրորդ անընդմեջ խաղում հանդես եկավ որպես հենակետային կիսապաշտպան։

Ավարտված 26-րդ տուրի հանդիպմանը՝ «Պուշկաշ Ակադեմիան» ոչ-ոքի խաղաց «ՄՏԿ Բուդապեշտի» դեմ (1-1), սակայն շարունակում է գլխավորել առաջնության աղյուսակը՝ ունենալով 4 միավորի առավելություն։

Գեորգի Հարությունյանը խաղաց ամբողջ հանդիպումը և ստացավ դեղին քարտ՝ սա նրա երկրորդն էր ընթացիկ մրցաշրջանում։

Հարությունյանի վիճակագրությունը հանդիպման ընթացքում․
Խաղաժամանակ՝ 90+ րոպե
Ճշգրիտ փոխանցումներ՝ 42 (82 %)
Բանալի փոխանցումներ՝ 1
Երկար փոխանցումներ՝ 4 / 6
Հաղթած մենամարտեր՝ 3 / 7
Հաղթած օդային մենամարտեր՝ 2 / 2
Գնդակի կորուստներ՝ 10
Խախտումներ՝ 2
Դեղին քարտեր՝ 1
Գնդակի հեռացումներ՝ 1
Ընդհատումներ՝ 3
Խլումներ՝ 3
SofaScore գնահատական՝ 7.1