Գեորգի Հարությունյանը օգնեց «Պուշկաշ ակադեմիային» հաղթանակ տանել «Կազինբարսիկայի» նկատմամբ

Հունգարիայի առաջնության 12-րդ տուրում «Պուշկաշ ակադեմիան» իր հարկի տակ 3:1 հաշվով հաղթեց «Կազինբարսիկային»։

Հայաստանի ազգային հավաքականի կենտրոնական պաշտպան Գեորգի Հարությունյանը մեկնարկեց հիմնական կազմում և անցկացրեց ամբողջ հանդիպումը։ Չնայած այն սխալին, որի արդյունքում մրցակիցը կարողացավ խփել իր միակ գոլը, 21-ամյա ֆուտբոլիստը ընդհանուր առմամբ վստահ հանդես եկավ՝ աչքի ընկնելով ինչպես պաշտպանությունում, այնպես էլ հարձակման ժամանակ միացումներով։

Հայաստանի հավաքականի նախկին ավագ Վարազդատ Հարոյանը, ով հանդես է գալիս «Կազինբարսիկայի» կազմում, մնաց պահեստայինների նստարանին և խաղադաշտ դուրս չեկավ։

Գեորգի Հարությունյանի վիճակագրությունը խաղում.

Խաղաժամանակ՝ 90+
Զրկում՝ 2
Ընդհատում՝ 1
Գնդակի հեռացումներ՝ 11
Հաղթած միանվագ մենամարտեր՝ 5 / 8
Օդային մենամարտեր՝ 2 / 2
Ֆոլեր՝ 1
Նրան դեմ ֆոլեր՝ 2
Սխալ, որ հանգեցրել է գոլի՝ 1
Գնդակի կորուստներ՝ 8
Ստեղծած գոլային պահեր՝ 1
Բանալի փոխանցումներ՝ 1
Ճշգրիտ փոխանցումներ՝ 47 (89%)
Երկար փոխանցումներ՝ 6 / 10
Հարվածներ՝ 2
SofaScore գնահատական՝ 6.9

Հաղթանակը հնարավորություն տվեց «Պուշկաշ ակադեմիային» ամրապնդել դիրքերը Հունգարիայի առաջնության վերին հատվածում․ Ժոլտ Հորնյակի թիմը 12 տուրից հետո զբաղեցնում է 4-րդ տեղը։