Հենրիխ Մխիթարյանը և հայկական ֆուտբոլի ապագան. հանդիպում՝ Հովհաննիսյանի և Մանուկյանի հետ
- Հեղինակ: Vahe Hakobyan
- Sportaran
Երևանում տեղի ունեցավ խորհրդանշական հանդիպում՝ «Ինտեր» Միլանի կիսապաշտպան, հայկական ֆուտբոլի լեգենդ Հենրիխ Մխիթարյանի ամառային հանգստի ընթացքում։ 2025 թ․ Աշխարհի ակումբային առաջնության ավարտից հետո, որտեղ Մխիթարյանը հանդես եկավ իտալական գրանդի կազմում, նա որոշեց արձակուրդն անցկացնել հայրենիքում։
Հայաստանի մայրաքաղաքում անվանի ֆուտբոլիստը հանդիպեց նոր սերնդի ներկայացուցիչների՝ երիտասարդական հավաքականի և Երևանի ԲԿՄԱ-ի ֆուտբոլիստներ Նարեկ Հովհաննիսյանի և Պետիկ Մանուկյանի հետ։ Երկու երիտասարդ ֆուտբոլիստներն էլ համարվում են իրենց տարիքային խմբի ամենահեռանկարային հայ խաղացողներից և արդեն հասցրել են աչքի ընկնել միջազգային ասպարեզում։
Հանդիպումը կայացավ ջերմ և բարեկամական մթնոլորտում։ Նման ժեստերը առաջատար հայ ֆուտբոլիստների կողմից ամրապնդում են սերունդների կապը և ոգեշնչում երիտասարդներին հասնելու նոր բարձունքների։
18-ամյա վինգեր Նարեկ Հովհաննիսյանն անցած մրցաշրջանում հիանալի հանդես եկավ ԲԿՄԱ-ի կազմում՝ մասնակցելով 30 հանդիպման Պրեմիեր լիգայում, խփելով 5 գոլ և կատարելով 6 գոլային փոխանցում։
19-ամյա Պետիկ Մանուկյանն էլ ԲԿՄԱ-ի հիմնական կազմի անբաժան մասն էր։ Բացի Հայաստանի երիտասարդական հավաքականում խաղալուց, պաշտպանը մի քանի անգամ հրավիրվել է նաև ազգային հավաքական։
Քննարկեք նորությունները!
Անցնել մեկնաբանություններին ↓
Comments
0