Գեղամ Կադիմյանը կշարունակի իր կարիերան Սիցիլիայի ակումբում
- Հեղինակ: Vahe Hakobyan
- Sportaran
Հայաստանի ազգային հավաքականի նախկին հարձակվող Գեղամ Կադիմյանը դարձել է իտալական FC Sciacca ակումբի խաղացող, որը հանդես է գալիս Eccellenza Sicilia-ում՝ Իտալիայի ֆուտբոլի համակարգի հինգերորդ մակարդակի տարածաշրջանային լիգայում (A խումբ): Այս մասին հայտնում է հայտնի ինսայդեր Ջանլուկա դի Մարցիոն SerieD24 կայքի միջոցով։
Հիշեցնենք, որ 32-ամյա ֆորվարդը վերադարձել էր պրոֆեսիոնալ ֆուտբոլ 2025 թվականի սկզբին՝ երկամյա դադարից հետո, և ավարտել էր մրցաշրջանը Չեխիայի «Զնոյմո» ակումբում, որը հանդես է գալիս երկրի երրորդ լիգայում։ 2024/25 մրցաշրջանի երկրորդ հատվածում Կադիմյանը անցկացրեց մի քանի հանդիպում «Զնոյմոյի» կազմում՝ վերականգնելով խաղային պրակտիկան։
Հայաստանի ազգային հավաքականի կազմում հարձակվողն ունի 13 խաղ և 2 խփած գնդակ։
Նշենք, որ Իտալիայում նույնատիպ լիգայում արդեն հանդես է գալիս մեկ այլ հայ ֆուտբոլիստ՝ Հայաստանի երիտասարդական հավաքականի և ԲԿՄԱ-ի նախկին խաղացող Սերոժ Տիտիզյանը։
Քննարկեք նորությունները!
Անցնել մեկնաբանություններին ↓
Comments
0