Գասպար Տերտերյանը դուրս եկավ Մ20 ԱՇ-ի եզրափակիչ հունահռոմեական ոճի ըմբշամարտում
- Հեղինակ: Vahe Hakobyan
- Sportaran
19-ամյա հայ ըմբիշ Գասպար Տերտերյանը (72 կգ) դուրս եկավ մինչև 20 տարեկանների աշխարհի առաջնության եզրափակիչ, որն անցկացվում է Ստամբուլում։
Եզրափակիչի ճանապարհին Տերտերյանը հաղթեց ադրբեջանցի Սեյմուր Գասիմովին (6:2), Ասիայի Մ20 չեմպիոն Ղազախստանի Յուսուֆ Աշրապովին (3:1), իսկ քառորդ եզրափակիչում առավելության հասավ տան տեր Սերգեյ Ստոևի նկատմամբ (3:1)։
Կիսաեզրափակիչում Տերտերյանը վստահ հաղթանակ տարավ Հունաստանի ներկայացուցիչ Արիոնաս Կալիցոպուլոսի նկատմամբ՝ 5:1 հաշվով։ Վճռական գոտեմարտում, որը կայանալու է վաղը, նրա մրցակիցը կլինի Ուզբեկստանի Մ20 գործող չեմպիոն Ահմադ Քոդիրովը։
Սա հայ երիտասարդ ըմբիշի համար արդեն երկրորդ եզրափակիչն է աշխարհի առաջնությունում։ 2023 թվականին նա նույնպես պայքարեց «ոսկու» համար, սակայն զիջեց Եգիպտոսի Մուստաֆա Ալամելդինին։ Տարեվերջին Տերտերյանը դարձավ աշխարհի չեմպիոն մինչև 17 տարեկանների մրցաշարում։
Հիշեցնենք, որ այսօր ԱՇ-ի եզրափակիչում հանդես է գալու նաև մեկ այլ հայ ըմբիշ՝ Յուրիկ Մխիթարյանը (60 կգ)։
Քննարկեք նորությունները!
Անցնել մեկնաբանություններին ↓
Comments
0