Գասպար Տերտերյանը՝ U20 աշխարհի չեմպիոն հունահռոմեական ըմբշամարտում

Բուլղարական Սամոկով քաղաքում ավարտվեց 2025 թվականի երիտասարդական աշխարհի առաջնության եզրափակիչը հունահռոմեական ըմբշամարտում, որտեղ 72 կգ քաշային կարգում հաղթանակ տարավ հայ ըմբիշ Գասպար Տերտերյանը։ Վճռական գոտեմարտում նա առավելության հասավ Ուզբեկստանի ներկայացուցիչ Ահմադ Կոդիրովի նկատմամբ՝ 1:1 հաշվով՝ առաջին միավորի առավելության շնորհիվ։

Տերտերյանի համար սա արդեն երկրորդ մեդալն է աշխարհի առաջնությունից․ 2023-ին նա նվաճեց արծաթե մեդալ, իսկ 2025-ին հասավ ամենաբարձր աստիճանին։ Նշենք, որ ընթացիկ մրցաշրջանում նա նաև նվաճել էր Եվրոպայի U20 առաջնության «արծաթը»։

Գասպար Տերտերյանի արդյունքները ԱԱ-U20-ում.

1/16 – Գասպար Տերտերյան (Հայաստան) – Սեյմուր Գասիմով (Ադրբեջան) 6:2
1/8 – Գասպար Տերտերյան (Հայաստան) – Յուսուպ Աշրապով (Ղազախստան) 3:1
1/4 – Գասպար Տերտերյան (Հայաստան) – Սերգեյ Ստոև (Բուլղարիա) 7:1
1/2 – Գասպար Տերտերյան (Հայաստան) – Արիոնաս Կոլիցոպուլովս (Հունաստան) 5:1
Ֆինալ – Գասպար Տերտերյան (Հայաստան) – Ահմադ Կոդիրով (Ուզբեկստան) 1:1 (առաջին միավորի առավելություն)

Այսպիսով, Հայաստանի հավաքականը արդեն ունի երկու մեդալ՝ մեկ ոսկի և մեկ արծաթ։ Վաղը 63 կգ քաշային կարգում չեմպիոնի տիտղոսի համար կպայքարի նաև հայ ըմբիշ Ալեքս Մարգարյանը։