Գարիկ Կարապետյանը՝ Եվրոպայի մինչև 23 տարեկանների չեմպիոն ծանրամարտում (2025)

Հայաստանի ծանրամարտիկ Գարիկ Կարապետյանը (մինչև 110 կգ քաշային կարգ) դարձել է Եվրոպայի մինչև 23 տարեկանների չեմպիոն՝ նվաճելով ոսկե մեդալ Ալբանիայի Դուրրես քաղաքում անցկացվող 2025 թվականի Եվրոպայի առաջնությունում։

Երկու անգամ մեծահասակների Եվրոպայի չեմպիոնը իր հարուստ հավաքածուին ավելացրեց ևս մեկ տիտղոս՝ այս անգամ՝ երիտասարդական։

Պոկում վարժությունում Կարապետյանը վստահ զբաղեցրեց առաջին տեղը, իսկ հրումում դարձավ երկրորդ՝ զիջելով իր հայրենակցին՝ Պետրոս Պետրոսյանին։ Այսպիսով, Կարապետյանի հաշվին կա փոքր ոսկի, փոքր արծաթ և մեծ ոսկի երկամարտի ընդհանուր արդյունքով։

Պետրոս Պետրոսյանը, ցավոք, պոկումում արդյունք չունեցավ, սակայն կարողացավ նվաճել փոքր ոսկի հրում վարժությունում։

Մինչև 110 կգ քաշային կարգ (տղամարդիկ, մինչև 23 տ.)՝
Գարիկ Կարապետյան (Հայաստան) — 397 կգ (182 + 215)
Սերեյ Շարանկով (Բելառուս) — 393 կգ (179 + 214)
Սարմալ Տեբլոև (Ռուսաստան) — 388 կգ (178 + 210)
Առանց արդյունքի՝ Պետրոս Պետրոսյան (Հայաստան) — 0 (0 + 221), փոքր ոսկի հրումում

Այսպիսով, Հայաստանի հավաքականի հաշվին արդեն կա վեց մեծ ոսկե մեդալ 2025 թվականի Եվրոպայի երիտասարդական առաջնությունում։

ՏԵՍԱՆՅՈՒԹ՝