Գարեգին Մաշումյան՝ Մոլդովայի նկատմամբ հաղթանակի մասին Unibank Cup-ում
- Հեղինակ: Vahe Hakobyan
- Sportaran
Հայաստանի ֆուտզալի հավաքականի խաղացող Գարեգին Մաշումյանը մեկնաբանել է Մոլդովայի հավաքականի նկատմամբ հաղթանակը Unibank Cup ընկերական մրցաշարի մեկնարկային խաղում, որը անցկացվում է Երևանում։
Հայաստանի հավաքականը հաղթել է 2:1 հաշվով։ Մրցաշարին մասնակցում են նաև Վրաստանի և Ղրղզստանի հավաքականները։ Հայաստանի և Վրաստանի հավաքականները այս մրցաշարի շրջանակում պատրաստվում են ԵՎՐՈ-2026-ին։
Գարեգին Մաշումյանի խոսքերը խաղից հետո․
«Կարծում եմ՝ խաղը հավասար էր, Մոլդովան շատ լավ թիմ է։ Մենք լավ ենք պատրաստվել, ուսումնամարզական հավաքը բարձր մակարդակով է անցնում։ Ուրախ եմ, որ կրկին աչքի ընկա հավաքականում (գոլը գրանցվեց որպես ինքնագոլ)։ Կարծում եմ՝ մեզ մոտ ամեն ինչ լավ կլինի, խաղից խաղ կմտնենք ձևի մեջ։ Շատ կարևոր է, որ խաղում ենք երեք ուժեղ հավաքականների դեմ։ Սա մեզ հնարավորություն կտա վերլուծել մեր սխալներն ու թույլ չտալ դրանք արդեն Եվրոպայի առաջնությունում։ Մարզչական շտաբը հիանալի աշխատանք է կատարել և կազմել լավ գրաֆիկ, որպեսզի կարողանանք անցկացնել այս երեք հանդիպումները»։
Հայաստանի հավաքականը հաջորդ հանդիպումը կանցկացնի դեկտեմբերի 22-ին՝ Ղրղզստանի հավաքականի դեմ։
Քննարկեք նորությունները!
Անցնել մեկնաբանություններին ↓
Comments
0