Համլետ Մանուկյանը՝ Դոհայի Աշխարհի գավաթի փուլի հաղթող

Հայաստանի հավաքականի 18-ամյա մարմնամարզիկ Համլետ Մանուկյանը հաղթել է սպորտային մարմնամարզության Աշխարհի գավաթի հինգերորդ փուլում, որը անցկացվում է Կատարի մայրաքաղաք Դոհայում։

Մանուկյանը լավագույն արդյունքն է ցույց տվել նժույգ վարժության եզրափակչում՝ ստանալով 14.700 միավոր և գերազանցելով մոտակա մրցակիցներին՝ նվաճելով ոսկե մեդալը։ Սա արդեն երկրորդ անընդմեջ հաղթանակն է տաղանդավոր հայ մարզիկի համար Աշխարհի գավաթի փուլերում։

Արծաթե մեդալը նվաճել է Չինաստանը ներկայացնող Յանմին Հոնգը՝ 14.666 միավորով, ընդամենը 0.034 միավորով զիջելով Մանուկյանին, իսկ բրոնզե մեդալը ստացել է Ղազախստանի մարզիկ Նարիման Կուրբանովը՝ 14.566 միավորով։

Հայաստանը ներկայացնող ևս մեկ մարմնամարզիկ՝ Մամիկոն Խաչատրյանը, նույնպես դուրս է եկել նժույգի վարժության եզրափակիչ և զբաղեցրել է յոթերորդ տեղը՝ 13.166 միավորով։

Այսօր օղակների վարժության եզրափակչում հանդես են գալու նաև հայ մարմնամարզիկներ Վահագն Դավթյանն ու Արթուր Ավետիսյանը։