«Սարդարապատի» ֆուտբոլիստները հավաքներ անցկացրին «Լանսի» ակադեմիայում և մասնակցեցին միջազգային մրցաշարերի

Հայկական «Սարդարապատ» ակումբի ֆուտբոլիստներ Վիգեն Սարգսյանն ու Ջանիկ Դավթյանը հավաքներ անցկացրին Ֆրանսիական «Լանս» ակումբում և մասնակցեցին միջազգային մրցաշարերի՝ հանդես գալով «Լանսի» ակադեմիայի պատանեկան թիմերի կազմում։

Հայ ֆուտբոլիստները մասնակցեցին հեղինակավոր Mondial Football Montaigu 2025 և Sélection Saint Joseph/Pays du Gier մրցաշարերին՝ ներկայացնելով «Լանսը» Եվրոպայի ամենաուժեղ ակադեմիաների թվում։ Մրցաշարերը կայացան ապրիլի կեսերին։

Դարպասապահ Վիգեն Սարգսյանը հանդես եկավ Mondial Football Montaigu 2025 մրցաշարում, որտեղ «Լանսի» պատանեկան թիմը զբաղեցրեց երկրորդ տեղը՝ զիջելով «Ստրասբուրգին»։ Վիգեն Սարգսյանը ընդգրկված էր թիմի հայտացուցակում 16-րդ համարի ներքո։

Իսկ կիսապաշտպան Ջանիկ Դավթյանը «Լանսի» թիմի կազմում մասնակցեց Saint Joseph մրցաշարին։

Ինչպես նշվում է «Սարդարապատի» պաշտոնական էջում, «Լանսի» հետ համագործակցությունը նոր հեռանկարներ է բացում երիտասարդ հայ ֆուտբոլիստների համար։ Ակումբը շարունակում է կառուցել կամուրջներ Հայաստանի և եվրոպական ֆուտբոլի միջև՝ ստեղծելով տաղանդների զարգացման նոր հնարավորություններ։