«Կրասնոդարի» ֆուտբոլիստները աջակցեցին Էդուարդ Սպերտյանին. «Կեփ, ես կողքիդ եմ»

Էդուարդ Սպերտյանի շուրջ առաջացած աղմուկից հետո «Կրասնոդարի» ավագին հրապարակայնորեն աջակցեցին թիմակիցները։ Խաղացողները նշեցին, որ չեն կասկածում ակումբի առաջնորդի ազնվության և դաստիարակվածության մեջ։

Դարպասապահ Ստանիսլավ Ագկացևը հրապարակեց ուղերձ, որտեղ վստահություն հայտնեց Սպերտյանի անմեղության վերաբերյալ․
«Էդիկին շատ տարիներ է, ինչ շատ լավ գիտեմ, և երբեք կյանքում չեմ հավատա, որ նա կարող էր իրեն թույլ տալ նման խոսքեր։ Ոչ մի կաթիլ չեմ կասկածում, որ արդարությունը կհաղթի, և նրանք, ովքեր փորձում են արատավորել Էդոյի անունը և հեղինակությունը, շուտով կխոստովանեն իրենց սխալը։ Կեփ, ես կողքիդ եմ»։

Ավագին աջակցեց նաև բրազիլացի պաշտպան Ժուբալը․
«Ես միշտ պատրաստ եմ լինել թիմի կողքին։ Այն, ինչ պատահեց, տհաճ իրավիճակ է։ Էդուարդը հիանալի ավագ է, վստահ եմ, որ նա ոչինչ վատ չի ասել մրցակցի խաղացողին»։

«Կրասնոդարի» ֆուտբոլիստները փորձում են աջակցել իրենց ավագին, մինչ Ռուսաստանի ֆուտբոլային միության Կարգապահական կոմիտեն շարունակում է հետաքննությունը «Ախմատի» հետ խաղում տեղի ունեցած միջադեպի շուրջ։