Football for Humanity: ․ Մխիթարյանի մարզաշապիկը ներկայացվել է բարեգործական աճուրդին
- Հեղինակ: Vahe Hakobyan
- Sportaran
Հայաստանի Հանրապետության Քուվեյթում դեսպանատունը մասնակցեց «Football for Humanity» բարեգործական նախաձեռնությանը, որը նպատակ ուներ աջակցել պաղեստինի երեխաներին։ Միջոցառման շրջանակում բարեգործական աճուրդին փոխանցվել էր «Ինտեր» ֆուտբոլային ակումբի պաշտոնական խաղային մարզահագուստը, ստորագրված Հայաստանի հավաքականի նախկին կիսապաշտպան Հենրիխ Մխիթարյանի կողմից։
Նախաձեռնությունն իրականացվել է Քուվեյթի արտաքին գործերի նախարար Աբդուլլա Ալ-Յահյայի հովանու ներքո՝ ՄԱԿ-ի մի շարք կառույցների և Քուվեյթում հավատարմագրված դիվանագիտական ներկայացուցչությունների համագործակցությամբ։
Նախաձեռնության շրջանակում անցկացվել է մանկական ֆուտբոլային մրցաշար, որտեղ մասնակցել են ավելի քան 400 երիտասարդ ֆուտբոլիստներ՝ 8-ից 12 տարեկան։ Մասնակիցները խաղացել են ընկերական հանդիպումներ՝ այսպես արտահայտելով իրենց համերաշխությունը պաղեստինյան երեխաների հետ։ Բացի այդ, հանդիսատեսին ներկայացվել է Քուվեյթի կանանց ազգային հավաքականի (մինչև 17 տարեկան) ցուցադրական խաղ։
Մրցաշարում Հայաստանը ներկայացրել է Homenetmen-ի մանկական թիմը, որը դարձել է մրցանակակիր։
Քննարկեք նորությունները!
Անցնել մեկնաբանություններին ↓
Comments
0