«Արարատ»-ը պայմանագիր է կնքել երկու գվինեացի ֆուտբոլիստների հետ

Երևանի «Արարատ»-ը պաշտոնապես հայտարարեց Գվինեայից երկու երիտասարդ և հեռանկարային ֆուտբոլիստների՝ կիսապաշտպան Ալսենի Տուրեի և հարձակվող Ամադու Դյակիտեի հետ պայմանագիր կնքելու մասին։ Երկու խաղացողներն էլ նախկինում հանդես էին գալիս Գվինեայի «Ուաքիրիա» ակումբում և այժմ միացել են հայկական թիմին։

19-ամյա Ալսենի Տուրեն (ծնվել է 2006 թվականի մայիսի 14-ին) խաղում է կենտրոնական կիսապաշտպանի դիրքում։ «Արարատ»-ում նա հանդես կգա 64 համարի ներքո։

20-ամյա Ամադու Դյակիտեն (ծնվել է 2005 թվականի հունվարի 24-ին) հարձակվող է, որը «Արարատ»-ում կխաղա 17 համարի ներքո։