Ֆինն Գերագուսյանը խփեց իր առաջին գոլը նոր մրցաշրջանում

17-ամյա հայ հարձակվող Ֆինն Գերագուսյանը բացեց իր գոլերի հաշիվը 2025/26 մրցաշրջանում։ Ֆուտբոլիստը աչքի ընկավ 11 մետրանոց հարվածով Անգլիայի Մինչև 18 տարեկանների առաջնության 4-րդ տուրի խաղում «Դերբի Քաունթի U18»-ի դեմ, իսկ նրա թիմը՝ «Սանդերլենդ U18»-ը, վստահ հաղթանակ տարավ 3:0 հաշվով։

Անցած մրցաշրջանի ավարտին Գերագուսյանը ավելի հաճախ խաղում էր մինչև 21 տարեկանների թիմում, սակայն այժմ նա վերականգնում է իր մարզավիճակը U18 կազմում։

Հիշեցնենք, որ 2025/26 մրցաշրջանի սկիզբը Գերագուսյանը բաց թողեց վնասվածքի պատճառով։