Հայաստանի հավաքականի վերջնական կազմը ծանրամարտի աշխարհի առաջնությունում՝ 2025-ին
- Հեղինակ: Vahe Hakobyan
- Sportaran
Հոկտեմբերի 2-11-ը Նորվեգիայի Ֆորդե քաղաքում կանցկացվի ծանրամարտի աշխարհի առաջնությունը։ Առաջին անգամ մրցաշարը կանցկացվի Միջազգային ծանրամարտի ֆեդերացիայի հաստատած նոր քաշային կարգերում։
Հայաստանի հավաքականը հանդես կգա յոթ մարզիկներով՝ վեց տղամարդ և մեկ կին։
Ով չի մեկնի Ֆորդե
Մարզչական շտաբի որոշմամբ՝ հայտում չեն ընդգրկվել Եվրոպայի 2024-ի չեմպիոնուհի Ալեքսանդրա Գրիգորյանը, ինչպես նաև Ռաֆիկ Հարությունյանը, Արա Աղանյանը, Դավիթ Հովհաննիսյանը, Հակոբ Մկրտչյանը, Տաթև Հակոբյանը, Էմմա Պողոսյանը և մի շարք այլ հայտնի մարզիկներ։
Հետաքրքիր նորություն է նաև այն, որ Փարիզի 2024-ի Օլիմպիական խաղերի մասնակից Անդրանիկ Կարապետյանը առաջին անգամ հանդես կգա Բոսնիա և Հերցեգովինայի հավաքականի կազմում, իսկ գերծանրքաշային Գոռ Մինասյանը կշարունակի ներկայացնել Բահրեյնը՝ մրցակցելով Հայաստանի հավաքականի առաջատար Վարազդատ Լալայանի հետ։
Հայաստանի հավաքականի կազմը՝ ԱԱ-2025
Տղամարդիկ․
-
60 կգ — Գառնիկ Չոլաքյան
-
71 կգ — Գոռ Սահակյան
-
88 կգ — Սուրեն Գրիգորյան
-
110 կգ — Գարիկ Կարապետյան
-
110 կգ — Սիմոն Մարտիրոսյան
-
+110 կգ — Վարազդատ Լալայան
Գլխավոր մարզիչ՝ Պաշիկ Ալավերդյան
Կանայք․
-
77 կգ — Աննա Ամրոյան
Գլխավոր մարզիչ՝ Արտաշես Ներսիսյան
Քննարկեք նորությունները!
Անցնել մեկնաբանություններին ↓
Comments
0