«Ոսկե դուբլ» ֆիլմը՝ լեգենդար «Արարատ-73»-ի մասին, փետրվարի 5-ից կցուցադրվի Հայաստանի կինոթատրոններում
- Հեղինակ: Vahe Hakobyan
- Sportaran
Փետրվարի 5-ից Հայաստանի կինոթատրոններում կմեկնարկի «Ոսկե դուբլ» գեղարվեստական ֆիլմի ցուցադրությունը, որը նվիրված է 1973 թվականի լեգենդար «Արարատ» թիմին։ Հայաստանում ֆիլմը կցուցադրվի «Արարատ 73» անվան տակ։
Հիշեցնենք, որ Ռուսաստանում ֆիլմը կինովարձույթում կհայտնվի ավելի վաղ՝ հունվարի 29-ից։
Ֆիլմը նվիրված է Նիկիտա Պավլովիչ Սիմոնյանի հիշատակին՝ մեծ ֆուտբոլիստի, ԽՍՀՄ վաստակավոր սպորտի վարպետի և նշանավոր մարզչի։ Սյուժեի կենտրոնում խորհրդային ֆուտբոլի պատմության ամենավառ էջերից մեկն է՝ 1973 թվականի մրցաշրջանը, երբ Երևանի «Արարատը» Սիմոնյանի գլխավորությամբ հասավ իր պատմության ամենաբարձր նվաճմանը՝ ձևակերպելով «ոսկե դուբլ» և նվաճելով ԽՍՀՄ առաջնության ու գավաթի տիտղոսները։
Ֆիլմում Նիկիտա Սիմոնյանի դերը կատարել է հայտնի ռուս դերասան Եգոր Բերովը։ Նախագծի ռեժիսորներն են Մհեր Մկրտչյանը և Ֆյոդոր Լյասսը։
Նկարահանումներին մասնակցել է նաև Հայաստանի հավաքականի նախկին ֆուտբոլիստ Դավիթ Մանոյանը, որը մարմնավորել է «Արարատի» պաշտպան Ալեքսանդր Կովալենկոյին։
«Ոսկե դուբլ» / «Արարատ 73» ֆիլմը ոչ միայն սպորտային դրամա է, այլև հարգանքի տուրք մի թիմի և անձի, որոնք հավերժ իրենց անունը գրանցել են հայկական և խորհրդային ֆուտբոլի պատմության մեջ։
Քննարկեք նորությունները!
Անցնել մեկնաբանություններին ↓
Comments
1