ՖԻՖԱ-ն տուգանել է Հայաստանի Ֆուտբոլի Ֆեդերացիային 13 000 շվեյցարական ֆրանկով

Հայաստանի ֆուտբոլի ֆեդերացիան (ՀՖՖ) ՖԻՖԱ-ի կողմից ստացել է ընդհանուր 13 000 շվեյցարական ֆրանկ տուգանք՝ սեպտեմբերին կայացած Հայաստանի ազգային հավաքականի տնային խաղերի ընթացքում տեղի ունեցած միջադեպերի համար՝ որակավորման փուլի շրջանակում։

Ըստ ՖԻՖԱ-ի Դիսցիպլինար կոմիտեի որոշման՝

Հայաստան — Պորտուգալիա 0:5 (2025 թվականի սեպտեմբերի 6-ին)
ՀՖՖ-ն ճանաչվել է մեղավոր մի շարք խախտումների մեջ՝ թիմի անկարգ վարքագծի, կարգ ու անվտանգության խախտման, խաղադաշտ ներխուժման կամ ներխուժման փորձի, ինչպես նաև պիրոտեխնիկայի օգտագործման համար։
ՖԻՖԱ-ի Դիսցիպլինար կանոնակարգի 17, 17.2.c, 17.2.a և 14.5 հոդվածների հիման վրա նշանակվել է 12 000 շվեյցարական ֆրանկ տուգանք։

Հայաստան — Իռլանդիա 2:1 (2025 թվականի սեպտեմբերի 9-ին)
Կարգ ու անվտանգության խախտման և պիրոտեխնիկայի օգտագործման համար ՀՖՖ-ին նշանակվել է հավելյալ 1 000 շվեյցարական ֆրանկ տուգանք՝ ըստ 17 և 17.2.c հոդվածների։

Այսպիսով, ընդհանուր տուգանքի գումարը կազմել է 13 000 շվեյցարական ֆրանկ։

Որոշումները հրապարակվել են ՖԻՖԱ-ի պաշտոնական կայքում՝ Disciplinary Committee Decisions բաժնում։