ՖԻՖԱ-ն պատժեց Մալայզիային ֆուտբոլիստների նատուրալիզացիայի համար

ՖԻՖԱ-ի կարգապահական կոմիտեն հայտարարել է խիստ պատժամիջոցների մասին՝ Մալայզիայի ֆուտբոլի ասոցիացիայի (FAM) և յոթ ֆուտբոլիստների նկատմամբ, որոնք մեղադրվում են ՖԻՖԱ-ի կարգապահական կանոնագրքի 22-րդ հոդվածի խախտման մեջ՝ փաստաթղթերի կեղծման և կեղծարարության պատճառով։

Հետաքննության ներքո են հայտնվել իսպանացի, բրազիլացի և արգենտինացի ֆուտբոլիստներ՝ Գաբրիել Ֆելիպե Արոչա, Ֆակունդո Տոմաս Գարսես, Ռոդրիգո Խուլիան Խոլգադո, Իմանոլ Խավիեր Մաչուկա, Ժոաու Վիտոր Բրանդաու Ֆիգեյրեդու, Յոն Իրասաբալ Իրաուրգի և Հեկտոր Ալեխանդրո Հևել Սեռանո։

ՖԻՖԱ-ի տվյալներով՝ FAM-ը ներկայացրել է կեղծ փաստաթղթեր, երբ դիմել է այս ֆուտբոլիստների հավաքականում հանդես գալու իրավունքի հաստատման համար։ Բոլոր յոթ խաղացողները խաղացել են Վիետնամի դեմ հանդիպմանը՝ 2025 թվականի հունիսի 10-ին՝ Ասիայի Գավաթայի 2027-ի որակավորման երրորդ փուլի շրջանակում։ Դեպքից անմիջապես հետո ՖԻՖԱ-ն ստացել է բողոք մի շարք խաղացողների լեգիտիմության վերաբերյալ։

Կարգապահական կոմիտեն կայացրել է հետևյալ որոշումները․

• FAM-ը տուգանվել է 350,000 շվեյցարական ֆրանկով։

• Յուրաքանչյուր ֆուտբոլիստ պարտավորվում է վճարել 2,000 շվեյցարական ֆրանկ։

• Ֆուտբոլիստները զրկվել են բոլոր ֆուտբոլային միջոցառումներին մասնակցելու իրավունքից՝ 12 ամսով։

• Նրանց հավաքականում հանդես գալու իրավունքը կքննարկվի ՖԻՖԱ-ի ֆուտբոլային տրիբունալում։

Ֆուտբոլիստները մալայզիական քաղաքացիություն են ստացել 2025 թվականի սկզբին և անմիջապես ընդգրկվել են հավաքականի կազմում։ Սակայն ՖԻՖԱ-ի կանոններով նրանք պետք է առնվազն 5 տարի հանդես գային տեղական առաջնությունում, որպեսզի ունենային խաղալու իրավունք։ Բացառություն է միայն այն դեպքում, երբ խաղացողը քաղաքացիություն է ստանում ազգային ծագման հիմքով (ինչպես՝ Էդուարդ Սպերցյանը Հայաստանի հավաքականում), սակայն տվյալ դեպքը այդպիսին չէ։

Ավելի վաղ Մալայզիայի հավաքականը պատշաճ կերպով հետևել է այս կանոնին․ օրինակ՝ արգենտինացի Սերխիո Ագուերոն օրինականորեն սկսել է խաղալ Մալայզիայի հավաքականում՝ տեղական առաջնությունում 5 մրցաշրջան անցկացնելուց հետո։ Սակայն այս անգամ մալայացիները փորձել են խաբել։