Հայաստանի ֆուտբոլի ֆեդերացիան վերադարձրել է «Վեստ Արմենիային» մրցաշարային աղյուսակ, սակայն ակումբը շարունակում է մնալ հեռացված առաջնությունից

Հայաստանի ֆուտբոլի ֆեդերացիայի պաշտոնական կայքում այժմ կրկին նշված է 11 թիմ, իսկ «Վեստ Արմենիան» զբաղեցնում է 9-րդ հորիզոնականը՝ 30 խաղում վաստակած 23 միավորով։

Սակայն ակումբի կարգավիճակը չի փոխվել․ այն շարունակում է մնալ հեռացված ընթացիկ առաջնությունից՝ երկրորդ անգամ խաղին չներկայանալու պատճառով։ Մնացած տուրերում «Վեստ Արմենիայի» հաշվին կգրանցվեն տեխնիկական պարտություններ, իսկ հաջորդ մրցաշրջանում ակումբը կկարողանա մասնակցել միայն Առաջին լիգային։

Այսպիսով, ՀՖՖ-ն փաստացի ճշգրտել է իր նախնական որոշումը՝ մրցաշարային աղյուսակը բերելով համապատասխանեցված կանոնակարգի տրամաբանությանը․ եթե թիմն անցկացրել է իր հանդիպումների ավելի քան 50 տոկոսը, արդյունքները պահպանվում են, և թիմը մնում է աղյուսակում՝ անկախ մրցաշարից հանվելուց։