Ֆելիկսը և Ռոնալդուն զվարճացան Երևանյան հանդիպումից առաջ

Պորտուգալիայի ազգային հավաքականի հարձակվողներ Քրիշտիանու Ռոնալդուն և Ժոաու Ֆելիկսը հաջողությամբ անցկացրեցին վերջին խաղը Երևան ժամանելուց առաջ, որտեղ սեպտեմբերի 6-ին նրանք կմրցեն Հայաստանի ազգային հավաքականի հետ։

Սաուդյան Արաբիայի առաջնության 1-ին տուրում «Ալ Նասրը» ջախջախեց «Ալ Տաունին»՝ 5:0 հաշվով։ Հանդիպման գլխավոր հերոսը դարձավ Ժոաու Ֆելիկսը, ով հեթ-տրիկ ձևակերպեց։ Քրիշտիանու Ռոնալդուն նույնպես աչքի ընկավ՝ իրացնելով 11-մետրանոցը։

Երկու խաղացողներն էլ արդեն հրավիրված են Պորտուգալիայի հավաքական։ Հավանական է, որ Ֆելիկսը կսկսի հանդիպումը հիմնական կազմում՝ ձախ եզրում, հաշվի առնելով Ռաֆայել Լեաուի վնասվածքը։

Ֆելիկսը այս ամառ միացավ «Ալ Նասրին» և երեք խաղում արդեն խփել է չորս գոլ։ «Միլանում» անհաջող փուլից հետո 25-ամյա հարձակվողը ցուցադրում է վստահ խաղ և հրաշալի փոխհասկացողություն է հաստատել Ռոնալդուի հետ։ Նրանց դույետը կարող է դառնալ վճռորոշ գործոն Պորտուգալիայի առաջիկա հանդիպումներում։