Հայաստանի ֆուտբոլի ֆեդերացիան հայտարարեց հավաքականի նոր մարզչական շտաբի մասին

Հայաստանի ֆուտբոլի ֆեդերացիան պաշտոնապես ներկայացրեց ազգային հավաքականի մարզչական շտաբի կազմը։

• Եղիշե Մելիքյան – Հայաստանի հավաքականի գլխավոր մարզիչ

• Ստեփան Դեմիրճյան – դարպասապահների մարզիչ

• Աղվան Այվազյան – գլխավոր մարզչի օգնական

• Ռոման Մոնարյով – գլխավոր մարզչի օգնական

• Խավիեր Մինյանո – ֆիզպատրաստության մարզիչ

Նշենք, որ Մինյանոյից բացի բոլոր մասնագետները նախկինում միասին աշխատել են Երևանի «Փյունիկում»։ Իսպանացի մարզիչ Խավիեր Մինյանոն լավ ծանոթ է հայկական ֆուտբոլին․ նա արդեն հինգ տարի աշխատում է ազգային հավաքականում և հասցրել է համագործակցել երեք գլխավոր մարզիչների հետ՝ Խոակին Կապառոս, Ալեքսանդր Պետրակով և Ջոն վան Շիպ։

Հիշեցնենք, որ Եղիշե Մելիքյանը նշանակվեց Հայաստանի հավաքականի գլխավոր մարզիչ 2024 թվականի օգոստոսին՝ փոխարինելով հոլանդացի Ջոն վան Շիպին։ Սեպտեմբերի 6-ին ազգային հավաքականը նոր մարզչական շտաբի գլխավորությամբ կանցկացնի իր առաջին խաղը Աշխարհի առաջնության–2026-ի ընտրականում Պորտուգալիայի դեմ։

Նշենք նաև, որ մարզչական շտաբը լքել է Հայաստանի հավաքականի լեգենդար նախկին դարպասապահ և նախկին ավագ Ռոման Բերեզովսկին, որը զբաղեցնում էր դարպասապահների մարզչի պաշտոնը։