Երևանի «Ուրարտուի» ևս մեկ նախկին խաղացող տեղափոխվեց Տուլայի «Արսենալ»
- Հեղինակ: Vahe Hakobyan
- Sportaran
Ռուս պաշտպան Ալեքսանդր Պուցկոն դարձել է Տուլայի «Արսենալի» նոր խաղացողը։ 32-ամյա նախկին «Ուրարտուի» ֆուտբոլիստը պայմանագիր է կնքել Ռուսաստանի Առաջին լիգայի ակումբի հետ։
Պուցկոյի այս տեղափոխությունն արդեն երկրորդն է վերջին շաբաթների ընթացքում հայկական ակումբից Տուլա։ Ավելի վաղ «Արսենալի» կազմը համալրել էր դարպասապահ Ալեքսանդր Մելիխովը։ Երկու խաղացողներն էլ նախկինում հանդես են եկել Դմիտրի Գունկոյի գլխավորությամբ, ով ամռանը նշանակվեց ռուսական ակումբի գլխավոր մարզիչ։
Ալեքսանդր Պուցկոն «Ուրարտուի» կազմում անցկացրել է մեկ մրցաշրջան՝ 2023/24թթ., մասնակցելով 30 խաղի, խփելով 2 գոլ և կատարելով 3 գոլային փոխանցում։
Քննարկեք նորությունները!
Անցնել մեկնաբանություններին ↓
Comments
0