Ճապոնիան նվաճեց ևս երկու ոսկի. Ձյուդոյի ԱԱ-2025-ի հինգերորդ օրվա արդյունքները

Հունիսի 17-ին Հունգարիայի մայրաքաղաք Բուդապեշտում անցկացվեց ձյուդոյի աշխարհի առաջնության հինգերորդ մրցումային օրը։ Այսօր մեդալներ խաղարկվեցին տղամարդկանց մինչև 90 կգ և կանանց մինչև 70 կգ քաշային կարգերում։

Երկու քաշային կարգերում էլ ոսկե մեդալները նվաճեցին ճապոնացի մարզիկները՝ իրենց հավաքականի ընդհանուր ոսկիների թիվը հասցնելով վեցի։ Ֆրանսիան, Վրաստանը, Ռուսաստանը և Իտալիան ունեն մեկական ոսկի։

Մինչև 70 կգ կանանց քաշային կարգում աշխարհի չեմպիոն դարձավ 26-ամյա Շիհո Տանական։ Սա նրա առաջին տիտղոսն է։ Եզրափակիչում Տանական յուկո վաստակելով հաղթեց խորվաթ Լարա Ցվետկոյին։

Տղամարդկանց 90 կգ քաշային կարգի եզրափակչում հանդիպեցին երկու ճապոնացիներ՝ 27-ամյա Գոկի Տաջիման և 24-ամյա Սանշիրո Մուրաոն։ Լարված մենամարտը տեղափոխվեց «գոլդեն սկոր», որտեղ հաղթեց Մուրաոն՝ դառնալով աշխարհի չեմպիոն։

Ձյուդոյի ԱԱ-2025-ի հինգերորդ օրվա արդյունքները (հունիսի 17)

90 կգ (տղամարդիկ)

1. Սանշիրո Մուրաո (Ճապոնիա)

2. Գոկի Տաջիմա (Ճապոնիա)

3. Էլջան Հաջիև (Ադրբեջան), Լուկա Մաիսուրաձե (Վրաստան)

70 կգ (կանայք)

1. Շիհո Տանակա (Ճապոնիա)

2. Լարա Ցվետկո (Խորվաթիա)

3. Սանե վան Դեյկ (Նիդերլանդներ), Մարիամ Բուտկերայթ (Գերմանիա)

Վաղը՝ հունիսի 18-ին, մեդալներ կխաղարկվեն տղամարդկանց մինչև 100 կգ և կանանց մինչև 78 կգ քաշային կարգերում։