Երջանիկ Ղուբասարյանը Գերմանիայում խփում է իր երկրորդ գոլը սեզոնում (ՎԻԴԵՈ)

Հայաստանի ազգային հավաքականի նախկին խաղացող Երջանիկ Ղուբասարյանը սեզոնում երկրորդ անգամ աչքի է ընկել՝ գոլի հեղինակ դառնալով «Նինդորֆի» դարպասը Համբուրգի Օբերլիգայի (Գերմանիայի առաջնության 5-րդ դիվիզիոն) 29-րդ տուրի խաղում։ Նրա գոլը օգնեց «Դասենդորֆին» հաղթել 2:0 հաշվով և շարունակել պայքարը՝ լիգայում բարձրանալու համար։ Հանդիպման երկրորդ գոլը խփել է ավստրիական հայտնի հարձակվող Մարտին Հարնիկը։

ԳՈԼԻ ՎԻԴԵՈՆ.

24-ամյա Ղուբասարյանը, ով հանդես է գալիս պաշտպանողի դիրքում, ընթացիկ մրցաշրջանում մասնակցել է 12 խաղի, խփել 2 գոլ և կատարել 1 գոլային փոխանցում։ Երկու տարվա դադարից հետո, որը պայմանավորված էր ծանր վնասվածքով, նա 2024/25 մրցաշրջանում վերադարձել է ֆուտբոլ՝ սկսելով իր ուղին Օբերլիգայում։

Երջանիկը Համբուրգի ակադեմիայի սան է։ 2022/23 մրցաշրջանում նա խաղացել է Հայաստանի առաջնությունում՝ Երևանի «Նոա» և ԲԿՄԱ թիմերում, ինչպես նաև մեկ հանդիպում անցկացրել է Հայաստանի ազգային հավաքականի կազմում։

Ֆուտբոլիստի եղբայրը՝ Անդրանիկ Ղուբասարյանը, նույնպես խաղում է այս լիգայում՝ V/W Billstedt թիմում։