Եղիշե Մելիքյանը Պորտուգալիայից հետո. «Դա շատ ցավալի էր։ Մենք դեռ պատրաստ չենք նման մակարդակի վրա խաղալու»

այաստանի ազգային հավաքականի գլխավոր մարզիչ Եղիշե Մելիքյանը հանդես եկավ հետխաղյա մամուլի ասուլիսում՝ 2026 թվականի աշխարհի առաջնության որակավորման փուլում Պորտուգալիայից 1:9 ծանր պարտությունից հետո։ Խաղը տեղի ունեցավ նոյեմբերի 16-ին՝ Պորտու քաղաքում։ Մարզիչը ընդունեց, որ թիմը պատրաստ չէր նման մակարդակի մրցակցի դեմ խաղալուն, սակայն ընդգծեց, որ այս փորձը պետք է կարևոր դաս դառնա առաջընթացի համար։

Խաղի արդյունքի մասին
«Կարծում եմ՝ սա լավագույն արդյունքը չէր, դա շատ ցավալի էր։ Պետք է հասկանանք, որ դեռ պատրաստ չենք խաղալու նման ուժեղ հավաքականի դեմ։ Մենք դեռ շատ երիտասարդ ենք և պետք է զարգանանք։ Մենք կվերադառնանք ավելի ուժեղ», — ընդգծեց Մելիքյանը։

Խոշոր պարտության պատճառների մասին
Պատասխանելով այն հարցին, թե արդյոք եղանակային բարդ պայմանները կարող էին ազդել խաղի վրա, մարզիչը մեկնաբանեց.
«Չեմ կարծում, որ պատճառը անձրևն էր։ Ավելի շատ՝ մեր սխալներն էին։ Երկրորդ և երրորդ գոլերը եկան սխալներից հետո, մենք նման բան չէինք սպասում»։

Մելիքյանի խոսքով՝ թիմը դեռ պատրաստ չէ դիմակայելու նման մակարդակի ճնշմանը.
«Ֆուտբոլիստները դեռ հոգեբանորեն պատրաստ չեն այս մակարդակի խաղերին։ Նման պարզ սխալները ցույց են տալիս, որ ինքնավստահության պակաս կա»։

Հետագա քայլերի մասին
Մարզիչը շեշտեց, որ հավաքականին անհրաժեշտ են լրացուցիչ ընկերական հանդիպումներ՝ խաղը կայունացնելու համար.
«Պետք են ընկերական խաղեր, որպեսզի ամեն ինչ կարգավորվի։ Պետք է դասեր քաղել այս խաղից, որպեսզի այլևս նման բան չկրկնվի»։

Հայաստանի հավաքականը ավարտեց ԱԱ-2026-ի որակավորման փուլը՝ զբաղեցնելով 4-րդ՝ վերջին հորիզոնականը F խմբում՝ վաստակած 3 միավորով։