Էդուարդ Սպերցյանը՝ մրցաշրջանի լավագույն ֆուտբոլիստը Transfermarkt-ի վարկածով
Photo: FC Krasnodar
- Հեղինակ: Vahe Hakobyan
- Sportaran
Transfermarkt կայքը Ռուսաստանի Պրեմիեր լիգայի 2024/25 մրցաշրջանի լավագույն ֆուտբոլիստ է ճանաչել «Կրասնոդար»-ի ավագին և Հայաստանի ազգային հավաքականի կիսապաշտպան Էդուարդ Սպերցյանին։
Էդուարդ Սպերցյանը «Կրասնոդար»-ին հասցրեց պատմական առաջին չեմպիոնությանը, իսկ ինքն աչքի ընկավ հարձակման գծում՝ խփելով 11 գոլ և կատարելով 7 գոլային փոխանցում։
«Բաղձալի մրցաշրջանում «ցուլերի» սանը անկասկած դարձավ թիմի առաջատար ֆուտբոլիստը։ 24-ամյա կիսապաշտպանը կայուն և ուժեղ մրցաշրջան անցկացրեց՝ գրեթե բոլոր խաղերում ցուցադրելով բարձրակարգ ֆուտբոլ։
Տեխնիկապես տաղանդավոր և լավ հարված ունեցող կիսապաշտպանը լավագույն կերպով դրսևորվեց առաջնության վճռորոշ խաղերում և դեռ ժամանակ ունի իրեն ցուցադրելու միջազգային ասպարեզում։ Ռուսաստանի չեմպիոնի տիտղոսը կարող է ոչ վերջինը լինել նրա կարիերայում։ Սպերցյանը ցույց տվեց իր մակարդակը և վերահաստատեց իր կարգավիճակը՝ որպես առաջնության ամենաարժեքավոր խաղացողներից մեկը», — նշում է Transfermarkt-ը։
Տարվա լավագույն երիտասարդ ֆուտբոլիստ է ճանաչվել «Լոկոմոտիվ»-ի 19-ամյա կիսապաշտպան Ալեքսեյ Բատրակովը։
Տարվա լավագույն մարզիչ՝ ըստ Transfermarkt-ի՝ «Կրասնոդար»-ի գլխավոր մարզիչ Մուրադ Մուսալովը։
ՌՊԼ մրցաշրջանի խորհրդանշական հավաքականը՝ ըստ Transfermarkt-ի:
Քննարկեք նորությունները!
Անցնել մեկնաբանություններին ↓
Comments
0