Էդուարդ Սպերցյան. «Ինձ համար մեծ պատիվ է դառնալ Հայաստանի տարվա լավագույն ֆուտբոլիստը»

Հայաստանի ազգային հավաքականի կիսապաշտպան Էդուարդ Սպերցյանը մեկնաբանել է «Հայաստանի տարվա լավագույն ֆուտբոլիստ» մրցանակը ստանալը։

«Ինձ համար մեծ պատիվ է ստանալ Հայաստանի տարվա լավագույն ֆուտբոլիստի կոչումը։ Սրտանց շնորհակալ եմ բոլոր նրանց, ովքեր քվեարկել են, հավատացել և աջակցել ինձ այս ճանապարհին։ Այս տարին հեշտ չէր, սակայն հենց նման պահերն են մեզ ձևավորում», — նշել է Սպերցյանը։

Ֆուտբոլիստը առանձին շնորհակալություն է հայտնել Հայաստանի ազգային հավաքականին, թիմակիցներին և մարզչական շտաբին՝ ընդգծելով, որ հպարտ է միջազգային ասպարեզում երկիրը ներկայացնելու հնարավորությամբ։

«Շնորհակալություն երկրպագուներին այն աջակցության համար, որը զգացվում է նույնիսկ մարզադաշտից դուրս։ Մենք շարունակում ենք աշխատել։ Ամեն ինչ դեռ նոր է սկսվում», — հավելել է նա։

Տարվա լավագույն ֆուտբոլիստի անվանակարգում քվեարկության արդյունքում Էդուարդ Սպերցյանը առաջ է անցել Հենրիխ Մխիթարյանից, իսկ մյուս ֆուտբոլիստները միավորներ չեն ստացել։