Էդուարդ Սպերցյանը՝ Ռուսաստանի չեմպիոն․ պատմական հաղթանակ «Կրասնոդարի» և հայ կիսապաշտպանի համար

24-ամյա կիսապաշտպան Էդուարդ Սպերցյանը Ռուսաստանի չեմպիոն է դարձել «Կրասնոդար» ակումբի կազմում։ Սա առաջին տիտղոսն է թե՛ ֆուտբոլիստի կարիերայում, թե՛ ակումբի պատմության մեջ։

Ռուսաստանի Պրեմիեր լիգայի վճռորոշ՝ 30-րդ տուրում «Կրասնոդարը» վստահ հաղթանակ տարավ «Դինամոյի» նկատմամբ՝ 3։0 հաշվով։ Սպերցյանը խաղի գլխավոր հերոսն էր․ նա խփեց մեկ գոլ, կատարեց գոլային փոխանցում Կրիվցովին և հարվածեց գնդակը, որի արդյունքում, անդրադարձից հետո, Ջոն Կորդոբան գրավեց դարպասը։ SofaScore-ը Սպերցյանին գնահատեց 8.2՝ ամենաբարձր միավորով խաղի բոլոր ֆուտբոլիստների շարքում։

Սպերցյանի վիճակագրությունը չեմպիոնական խաղում․

• 1 գոլ
• 1 գոլային փոխանցում
• 1 փոխանցում, որի արդյունքում գոլ եղավ անդրադարձից հետո
• 2 բանալի փոխանցում
• 2 հարված դարպասին
• 7 հաղթած մենամարտ
• 4 հաջող դրիբլինգ

Հաղթանակը «Կրասնոդարին» բերեց 67 միավոր, ինչի շնորհիվ նրանք առաջին տեղում ավարտեցին առաջնությունը՝ շրջանցելով «Զենիթին», որը թեև 3։0 հաշվով հաղթեց «Ախմատին», հավաքեց 66 միավոր և մնաց երկրորդ։

Էդուարդ Սպերցյանը նաև պատմություն կերտեց՝ դառնալով առաջին գործող ֆուտբոլիստը Հայաստանի հավաքականից, ով դարձել է Ռուսաստանի չեմպիոն։