Էդմեն Շահբազյանը հաջողությամբ անցավ կշռումը UFC 320-ից առաջ

Հայ UFC մարտիկ Էդմեն Շահբազյանը (15-5) տեղավորվեց միջին քաշային կարգի սահմաններում՝ կշռելով 84,1 կգ։ Նրա մրցակիցը՝ բրազիլացի Անդրե Մունիզը (24-7), նույնպես տեղավորվեց կարգում՝ 84,1 կգ։ Մենամարտը տեղի կունենա հոկտեմբերի 5-ին, կիրակի գիշերը, Լաս Վեգասում՝ UFC 320-ի շրջանակում։

Շահբազյանի համար սա վերադարձից հետո արդեն երրորդ մենամարտն է․ նա այժմ երկու հաղթանակի շարքում է և նպատակ ունի մտնել միջին քաշային կարգի լավագույն 15-ի մեջ։ Հաղթանակը փորձառու Մունիզի նկատմամբ կլինի լուրջ քայլ դեպի բաղձալի նպատակը։

Մրցաշարի գլխավոր իրադարձությունը կլինի թեթև ծանր քաշային գոտու համար ռևանշային մենամարտը՝ գործող չեմպիոն Մագոմեդ Անկալաևի և դասակարգման առաջին համար Ալեքս Պերեյրայի միջև։ Գլխավոր մրցամարտում թեթևագույն քաշային չեմպիոն Մերաբ Դվալիշվիլին կմրցի Քորի Սենդհագենի հետ։

UFC 320 պաշտոնական կշռման արդյունքները
Հիմնական քարտ.

• Թեթև ծանր քաշային: Մագոմեդ Անկալաև — 92,8 կգ vs Ալեքս Պերեյրա — 92,8 կգ

• Թեթևագույն քաշային (գոտու համար): Մերաբ Դվալիշվիլի — 61,2 կգ vs Քորի Սենդհագեն — 61,0 կգ

• Թեթև ծանր քաշային: Յիրժի Պրոխազկա — 93,4 կգ vs Խալիլ Ռաունթրի-կրտսեր — 93,0 կգ

• Թեթև թևային: Ջոշ Էմմեթ — 66,2 կգ vs Յուսեֆ Զալալ — 66,2 կգ

• Միջին քաշային: Աբուս Մագոմեդով — 84,1 կգ vs Ջո Փայֆեր — 84,4 կգ

Պրելիմներ.

• Միջին քաշային: Ատեբա Գոթյե — 84,4 կգ vs Տրեստոն Վայնս — 84,1 կգ

• Միջին քաշային: Էդմեն Շահբազյան — 84,1 կգ vs Անդրե Մունիզ — 84,1 կգ

• Թեթևագույն քաշային: Քրիս Գուտիերրես — 61,7 կգ vs Ֆարիդ Բաշարաթ — 61,7 կգ

• Սահմանափակում 69,4 կգ: Դանիել Սանտոս — 68,5 կգ vs ՋուՍանգ Յու — 69,2 կգ

Վաղ պրելիմներ.

• Կանանց թեթևագույն քաշային: Մեյսի Քիասոն — 62,4 կգ* vs Յանա Սանտոս — 61,2 կգ

• Թեթևագույն քաշային: Փեթչի Միքս — 61,7 կգ vs Յակուբ Վիկլաչ — 61,7 կգ

• Կիսամիջին քաշային: Պունաելե Սորիանո — 77,3 կգ vs Նիկոլայ Վերետեննիկով — 77,3 կգ

• Կիսամիջին քաշային: Ռամիզ Բրախիմայ — 77,3 կգ vs Օսթին Վանդերֆորդ — 77,3 կգ

• Կանանց մինիմալ քաշային: Վերոնիկա Հարդի — 56,9 կգ vs Բրոգան Ուոքեր — 56,5 կգ

* Քիասոնը գերազանցել է քաշային սահմանը։